Zekariah 3:5 - Hawaii Pidgin Bible

⁵ Den I tell, “Wrap one clean cloth aroun his head, aah?” So dey give um da bestes kine clotheses fo put on, an put one clean cloth wrap aroun his head. Da angel messenja guy from Da One In Charge stay stan dea.

Zekariah 3:5 ပူးပေါင်းရင်းမြစ်များ

Job 29:14

I make shua I do da right ting erytime, An judge peopo da right way. Cuz a dat, peopo know wat kine guy me, Jalike I get spesho kine clothes.

Outa Egypt 29:6

Put da pries kine hat on top his head, wit da gold piece dat tell he spesho fo me.

Isaiah 3:23

Da mirrors, da linen undawears, Da fancy kine cloth on top dea head, an da shawls.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Ezekiel 42:14

Wen da pries guys go inside da place dat stay spesho fo God, dey no go inside da outside open lanai fo da Temple till dey leave da clotheses ova dea dat dey wear fo work fo God. Dey do dat cuz dose clotheses stay spesho fo God. Dey change clothes. Den dey can go nea da places wea get da regula kine peopo.”

Zekariah 3:6

Den da angel messenja guy from Da One In Charge tell Joshua dis:

Zekariah 6:11

Take da silva an gold an make crowns. Put one crown on top da Main Pries Guy head. Az Joshua, Jehozadak boy.

Jesus Show 4:10

Erytime da four tings dat stay alive an go ery place God go do dat, da twenny-four older leadas go down in front God dat sit on top da throne, an show love an respeck fo him. He da One dat stay alive foeva an eva. Dey put dea crowns down in front his throne, an sing lidis:

Jesus Show 4:4

Aroun da throne get twenny-four odda thrones, an twenny-four older leadas stay sit on top dem. Dey wear white clotheses, an get gold kine crown on top dea heads.