Zekariah 2:7 - Hawaii Pidgin Bible

⁷ “Run, my Zion peopo! You guys dat live inside Babylon, get outa dea!”

Zekariah 2:7 ပူးပေါင်းရင်းမြစ်များ

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Isaiah 47:1

Go sit down on top da dirt, You Babylon town peopo! You Babylon guys was jalike One beautiful young princess. But now, you gotta go sit down on top da groun, Cuz now you no mo throne an no mo king. Az why nobody goin tink you make nice to peopo An you no need work.

Isaiah 48:20

“Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

Isaiah 52:2

Shake off da dirt from wea you sit. Get up, you Jerusalem peopo! Sit down jalike kings on top yoa thrones. Hemo da slave band aroun yoa neck You guys was prisonas befo time, but not now!

Jeremiah 50:8

“Dig out from Babylon! Get out from dea land! Jalike da goats dat run outa da pen Befo da sheeps can come outside.

Jeremiah 51:45

“Eh, my peopo! Get outa Babylon! Run away fo stay alive! Run, cuz Da One In Charge stay real huhu!

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Micah 4:10

Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.

Census 16:26

He tell all da peopo, “Move away from da tents wea dese real bad guys live! No touch notting a dea stuff dat dey own! No good Da One In Charge wipe out you guys too, cuz a all da bad kine stuff dey wen do.”

Census 16:34

Wen da Korah guys yell, all da Israel peopo aroun dem run away an yell, “Da earth goin swallow us guys too!”

Jesus Guys 2:40

Peter tell dem plenny mo stuff, an beg um, “Let God take you outa da bad kine stuff dat da odda peopo stay do now.”

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.