Zekariah 14:8 - Hawaii Pidgin Bible

⁸ Dat time, fresh watta goin come out from Jerusalem. Da watta goin go half da Big Salt Lake on da east side, an half goin go da Mediterranean Sea on da west side, no matta summa time o winta time.

Zekariah 14:8 ပူးပေါင်းရင်းမြစ်များ

Love Song 4:15

You jalike one fountain dat watta da gardens, One puka wit plenny watta, Dat come down from Lebanon.

Isaiah 35:7

Da hot sand goin get pond wit reeds. Da groun dat no mo watta, Goin come one puka wea plenny watta come out. Ova dea, wea da jackal kine wild dogs Wen lay down fo res befo time, Goin get grass an watta plants an papyrus reeds dea.

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Isaiah 58:11

Da One In Charge goin show you guys Wea fo go all da time. He goin take kea wateva you guys need, No matta da sun stay hot an burn up da land. He goin make you guys stay strong An feel good. You goin be jalike one garden dat get plenny watta, Jalike one watta puka wea da watta no pau come out.

Joel 2:20

“Da army guys dat like come agains you guys from da north side, I goin push dem far away from you guys. I goin make dem go inside one dry land wea eryting stay all bus up. Da ones in front goin go inside da Big Salt Lake, An da ones in da back goin go inside da Mediterranean Sea. Dey goin mahke an come haunas.” Fo shua, Da One In Charge do awesome tings!

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Micah 4:2

Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Zekariah 14:4

Wen dat happen Da One In Charge goin stan wit his feets on top da Olive Ridge, dat stay across Jerusalem da east side. An da Olive Ridge goin split, an make one wide valley dat go from da east side a da ridge to da west side. Cuz half da ridge goin move da north side, an half goin move da south side.

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

John 4:10

Jesus tell, “You donno wat God like give erybody, an you donno who me dat stay aks you fo da watta. Cuz if you know dat, den fo shua you goin aks me fo watta. An one mo ting, I can give you da kine watta dat make peopo live fo real kine foeva!”

John 4:14

But whoeva drink da kine watta I goin give, dey no goin come thirsty no moa. Cuz da kine watta I goin give dem goin come jalike watta dat stay come out all da time. An dat watta goin make dem live to da max foeva!”

John 5:4

Cuz you know, sometimes one angel guy from Da One In Charge go down inside da watta an make um move. Afta dat, da firs guy dat go inside da watta, he come good from wateva kine sick he get.]

John 7:38

Whoeva trus me, da Bible tell az jalike ‘rivas goin come outa dem dat get plenny watta fo make peopo live fo real kine.’ ”

Jesus Show 22:17

Bumbye da peopo dat stay spesho fo God goin come togedda wit me, jalike wen one wahine marry one guy. So da Good An Spesho Spirit an God peopo, dey tell, ‘Try come!’ Erybody dat hear dat, tell ‘Try come!’ too. Whoeva stay thirsty let um come, an whoeva like, let um take da watta dat make um come alive fo real kine, an no goin cost dem notting.”