Zekariah 14:6 - Hawaii Pidgin Bible

⁶ Dat time, no goin get clear sunlight. But no goin stay cold an dark.

Zekariah 14:6 ပူးပေါင်းရင်းမြစ်များ

Songs 112:4

Fo da peopo dat do wass right, An give odda peopo chance, an pity dem, An do da right ting, God get dat kine peopo outa trouble, Jalike wen stay dark all aroun, Da light come out.

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Isaiah 24:23

“Den da bright moon no need shine Cuz no need da light. An da hot sun no need shine Cuz no need um fo stay warm. Az cuz dat time, Da One In Charge, Da God Ova All Da Armies, He goin be da king On top Zion hill wea da Temple stay Inside Jerusalem town. In front da older guys dat lead his peopo He goin show how awesome he stay.”

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Jeremiah 4:23

Jeremiah tell, “I look da earth, jalike az one dream. No mo shape. No mo notting dea! I look da sky. No mo light up dea!

Ezekiel 32:7

Wen I pio you, I goin cova da sky, An make da stars come dark. I goin cova da sun wit one cloud, An da moon no goin give da light she give.

Ezekiel 32:8

All da lights inside da sky, I goin make um come dark ova you. I goin make yoa land come dark. Az wat me Da One In Charge, da Boss, tell.

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Joel 2:2

Goin be one dark an sad time. Goin get plenny black clouds. One big an strong army goin come, Jalike wen da light spread out morning time ova da mountains. No mo nobody eva see dat kine befo time, An not goin happen one mo time, Fo all da years an generations.

Joel 2:30

I goin show awesome kine stuff up in da sky, An down hea on top da earth. Goin get blood an fire an big kine smoke clouds.

Joel 2:31

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.

John 1:5

No matta stay dark, da dark no can pio da light. Erytime get light.

John 12:46

I wen come inside da world fo da peopo know da trut, jalike me da light fo dem. An whoeva trus me, dey goin know da trut. Dey no goin stay jalike dey dark inside an donno notting.

Jesus Guys 2:16

Dis wat Joel tell, da guy dat talk fo God long time befo time:

Jesus Guys 2:19

I goin show awesome stuff up dea in da sky, An down hea on top da earth Goin get blood an fire An big kine smoke clouds.

Colosse 1:12

Den you guys can tell da Faddah “Mahalo plenny!” an feel real good inside. He wen make us his kids fo us get da good stuff he wen promise fo give all his kids: his kids, dass da peopo dat stay spesho fo God. He wen free us up from da powa da Bad Guy get ova us fo make us do bad kine stuff. Dass why now us no do bad kine stuff. An God wen take us outa da dark an put us inside da place wea Jesus stay oua King. Jesus, he God Boy an his Faddah get love an aloha fo him.

2 Peter 1:19

Az how make all us guys mo shua bout da tings we wen learn from da guys dat wen talk fo God befo time. Az good you guys do wat dey wen tell you fo do! Cuz da stuff dey tell, az jalike one small lamp dat shine inside one real dark place. You guys gotta lissen wat dey wen tell. So stay lissen good till Jesus come back! Den you guys goin undastan mo an mo betta. Goin be jalike wen da light from da morning star come out, an den da sun come out!

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 11:3

“Goin get two guys. I goin give dem da powa fo talk fo me fo all dat time. Dey goin put on burmbag kine clotheses fo show dat dey stay cry inside.”