Zekariah 14:5 - Hawaii Pidgin Bible

⁵ You guys goin run away thru my mountain valley cuz goin go all da way to Azel town. Yeah, you guys goin run away, jalike yoa ancesta guys wen run away da time get da earthquake wen Uzziah stay king inside Judah. Den my God, Da One In Charge, goin come wit all da ones dat stay spesho fo him.

Zekariah 14:5 ပူးပေါင်းရင်းမြစ်များ

Songs 96:13

In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Joel 3:11

All you guys from da odda nations, Come now real fas fo help each odda! Go come togedda from all aroun dea To da Jehoshafat Valley. Da One In Charge, bring down yoa strong guys fo fight!

Amos 1:1

Dis wat Amos tell. Amos, he one a da guys from Tekoa dat know how fo breed da sheeps da spesho kine way. Dat time, Uzziah was king Judah side. Same time, Joash boy Jeroboam Numba Two, he was king Israel side. Dat time, Amos wen see someting jalike one dream bout wat goin happen to da Israel peopo. You know, was two year befo da big earthquake.

Micah 1:11

You guys dat live inside Shafir, da Nice Looking Town, Go wea da guys dat stay agains us take you, No matta you stay naked an shame. Da peopo inside Zaanan, da Marching Town, Dey stay sked, dey no come outside dea town wall. Da peopo inside Bet-Ezel, da Hill Town, stay sad an crying. Dey no can help you notting.

Zekariah 4:7

Yoa problems jalike dis big strong mountain. But da mountain goin come flat land in front Zerubbabel. Den he goin put da las stone block fo da temple wea suppose to stay, an da peopo goin yell, ‘Az beautiful! Az beautiful!’ ”

Census 16:34

Wen da Korah guys yell, all da Israel peopo aroun dem run away an yell, “Da earth goin swallow us guys too!”

Matthew 16:27

I da Fo Real Kine Guy. I goin come back wit God angel messenja guys from da sky. Goin be awesome, cuz my Faddah, he awesome. Den I goin pay erybody fo wat dey wen do, good kine o bad kine.

Matthew 24:3

Den bumbye, Jesus go da Olive Ridge an sit down ova dea. Wen no mo odda guys dea, his guys go by him. Dey tell him, “Wat time all dat kine stuff goin happen? An wat kine ting goin happen fo show us wen you goin come back ova hea, an wen da world goin come pau?”

Matthew 25:31

Jesus tell um, “You know, I da Fo Real Kine Guy. Wen I come back, I goin be awesome. All da angel guys goin come wit me. Den I goin sit down on top my awesome throne.

Luke 21:27

Dat time dey goin spock me, da Fo Real Kine Guy, stay coming inside one cloud wit plenny powa, an I goin be real awesome.

Rules Secon Time 33:2

Moses tell, “Da One In Charge come from Mount Sinai. He come fo dem Jalike wen da sun come up from Mount Seir. He shine from Mount Paran. He come wit plenny angel messenja guys Dat stay spesho fo him, From da south, from da sides a da mountain.

1 Tessalonika 3:13

I like God make you guys stay strong an solid inside. Wen he do dat, den you guys goin stan in front God oua Faddah, an nobody goin poin finga you guys, cuz you guys stay good an spesho fo him! Dass how goin be wen Jesus, Da One In Charge, come back wit all his spesho peopo.

2 Tessalonika 2:8

Den, da Real Bad Guy dat stay broke all da rules, erybody goin see him an know wat kine guy him. But Da One In Charge, Jesus, goin show up an kill him. Jalike Jesus goin blow, an “poom!” no mo da guy. Jesus, he so awesome, he ony gotta show up fo wipe out da Real Bad Guy.

James 5:8

You guys, same ting. Hang in dea! Stay strong inside! Almos time fo Jesus Da One In Charge fo come back.

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Jesus Show 20:4

Den I spock plenny throne. On top get da peopo dat God wen give da powa fo come judges. Dey da one dat wen tell bout Jesus, an tell wat God wen tell, an odda peopo wen cut off dea heads cuz a dat. An I see how dey stay inside. Dey neva show love an respeck fo da Wild Animal o his statue, an dey neva get his mark on top dea forehead o dea hand. Dey come back alive one mo time, an dey stay in charge wit God Spesho Guy, da King, fo da tousan year.