Zekariah 14:2 - Hawaii Pidgin Bible

² Da One In Charge tell: “I goin bring all da odda peopos Jerusalem side fo fight you guys. Dey goin take ova da town, rip off stuff from da houses, an rape da wahines. Dey goin take half a da peopo, an make um prisonas fo go far away. But da res a da peopo goin stay inside da town.”

Zekariah 14:2 ပူးပေါင်းရင်းမြစ်များ

Isaiah 13:16

Da army guys goin kill dea bebes in front dem, An steal all da stuffs inside dea houses, An rape dea wifes.

Isaiah 4:3

All da peopo dat still yet stay alive inside Jerusalem town, Peopo goin call dem “Spesho fo God” Cuz dea name goin stay write down.

Isaiah 5:26

God goin put up one flag Fo all da peopo inside da lands dat stay far see um. He goin whistle fo dem fo come, Fo dem come togedda fas from one real far place.

Isaiah 65:18

So now, stay good inside all da time, Wen you tink bout wat I goin make! Cuz I goin make Jerusalem da kine place Dat make you stay good inside wen you dea. An I goin make da Jerusalem peopo da kine peopo Dat make you like dance an sing wen you wit dem.

Jeremiah 21:4

‘Dis wat Da One In Charge, da God fo da Israel peopo, tell: You know da swords an odda tings fo fight dat you guys carry, dat you guys use fo fight da king fo Babylon an da Babylon army guys? I goin take dose tings, an use um fo hurt you guys! Da Babylon army guys stay outside yoa wall all aroun yoa town, Jerusalem, but I goin bring um all inside da middo a dis town!

Jeremiah 34:1

Get anodda message fo Jeremiah from Da One In Charge. Dat time, had Nebukadnezzar da Babylon king, an his army guys outside Jerusalem town. Same time had odda king guys unda him wit dea army guys dat come wit Nebukadnezzar. All dose peopo stay fight da Jerusalem peopo, an da peopo inside all da towns aroun dea.

Sad Song 1:10

Da guys dat stay agains us Jerusalem peopo Wen grab all oua rich kine stuffs! Dey see da odda peopos dat donno you, God, Da ones you tell no can go inside da place Dat stay spesho fo you.

Ezekiel 5:8

“Az why Da One In Charge, da Boss, tell dis: Me, I da One dat stay agains you Jerusalem peopo! I goin punish you guys right dea wea you guys stay. An da odda peopos goin watch.

Joel 3:2

I goin bring all da nations togedda Inside da Jehoshafat Valley. I goin come fo judge dem ova dea, An punish dem fo how Dey wen make any kine to my Israel peopo, Cuz da Israel peopo my property. Cuz dose nations wen scatta my peopo all ova wea da odda peopos live. Dey wen split up my land.

Joel 3:9

Tell all da peopos dis: “Make ready fo fight one war fo Da One In Charge! Make da strong guys ready fo fight! I like all da guys dat fight fo come togedda fo attack.

Amos 7:17

But cuz you stay talk lidat, dis wat Da One In Charge tell: “Yoa wife, she goin come one hoa Right hea inside yoa home town. Da ones dat stay agains you Goin kill yoa boys an yoa girls wit swords. Yoa land, odda peopo goin measure um fo broke um up an sell um. An you, you goin mahke inside anodda land dat stay pilau, Cuz you Israel peopo goin come prisonas Far away from yoa land.”

Zekariah 12:2

“Look! I goin make one poison cup fo da Jerusalem peopo. Goin make all da peopo dat live aroun dem come jalike dey piloot an stagga. Even da Judah peopo goin get army guys aroun dem wen da peopos attack Jerusalem.

Zekariah 12:3

But dat time wen all da peopos inside da world goin go agains Jerusalem, I goin make da Jerusalem peopo come jalike one big rock dat nobody from all da odda peopos can move. Wen dey try move um, dey goin hurt ony dem.”

Zekariah 12:9

Dat time, I goin start fo wipe out all da peopos dat go afta Jerusalem.

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.

Mark 13:14

“Someting goin happen dat God hate plenny. Da bad ting goin stan wea not suppose to. Dat ting so horraz, goin make erybody bag from dea. (Whoeva read dis, dey gotta watch out.) You know, wen you guys see dat happen, if you stay Judea side, run to da mountains.

Mark 13:19

Cuz dat time erybody goin suffa to da max. Neva get notting lidat eva happen befo, not even from wen God wen make da world till now, an no goin get notting lidat eva goin happen one mo time.

Luke 2:1

Dat time, da king fo da Rome peopo, Cesar Augustus, make all da peopo sign up fo find out how many peopo get ery place.