Zekariah 14:17 - Hawaii Pidgin Bible

¹⁷ If some a da peopos on top da earth no go Jerusalem fo go down in front da King, Da One In Charge dass Da God Ova All Da Armies, dey no goin get rain.

Zekariah 14:17 ပူးပေါင်းရင်းမြစ်များ

Start 10:32

So den, dis all da diffren ohanas dat come from Noah. Dis da story bout wea dey all come from, an da diffren places wea dey make dea govmens. Afta da Big Watta, all da diffren peopos all ova da world come from Noah an his boys.

Start 12:3

Da peopo dat tell, ‘Eh Abram, I like God fo do good tings fo you!’ Bumbye me, God, goin do good tings fo dem. Da peopo dat tell, ‘Eh Abram, I like God fo do bad tings to you!’ Bumbye I goin make bad tings happen to dem. All da ohanas all ova da world, Bumbye wen dey tink bout you, dey goin tell, ‘Eh! We like God do good tings fo us guys, Jalike he stay do fo Abram!’ ”

Start 28:14

Yoa peopo goin come choke plenny, jalike no can tell how much sand get on top da groun. Dey goin go all ova dis land, makai side an mauka side, up country side an low country side. All da diffren ohanas all ova da world, bumbye wen dey tink bout you an da peopos dat goin come from you, dey goin tell, ‘Eh! Us like God do good tings fo us guys too, jalike he stay do fo Jacob an fo da ohana dat goin come from him!’

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

1 Kings 8:35

“Bumbye, wen yoa peopo do bad kine stuff An go agains you, You goin shut da sky An no let rain come down. But wen dey tink bout dis place An look dis way an pray, An tell dat dey yoa peopo fo real kine, Den dey goin turn aroun An no do bad kine stuff Cuz you punish um awready.

2 Records 6:26

“Bumbye maybe da sky goin stay shut so no mo rain, cuz yoa peopo wen do bad kine tings agains you. But den dey goin look to dis place fo pray. Dey goin tell dat you dea Boss fo real kine. Dey goin change dea mind an turn away an no do bad kine stuff, cuz you stay punish dem.

2 Records 7:13

“Bumbye maybe I goin shut da sky so no mo rain. O maybe I tell da locust kine grasshoppas fo eat da plants all ova da land. O maybe I sen da bad kine sick fo hurt my peopo.

Isaiah 18:7

“Dat time, peopo goin bring gifs Fo Da One In Charge, Da God Ova All Da Armies. An who goin bring da gifs? Fo shua, dose same peopo from far places, Da tall guys dat get smooth skin, Dat erybody sked dem. An from da land even mo far still yet, Da real strong kine peopo ova dea Dat stay bus up erybody, Ova dea wea da big rivas cut thru dea land. “Dey da ones goin bring gifs to Jerusalem town fo him, cuz dass da place fo find out wat kine god Da One In Charge.”

Isaiah 45:23

I wen make one strong promise, An I goin make shua da ting happen. Me, I make dat promise Cuz I do da right ting erytime, An wat I stay promise, nobody can change um. Erybody goin go down on top dea knees Fo show dey get respeck fo me. Erybody goin make one strong promise An aks me fo make shua dey do um.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 14:3

Dea alii guys sen dea worka guys fo go carry watta. Dey go da watta storage places, But no mo watta ova dea. Dey come back wit empty watta jars. Dey shame an dey lose face, Az why dey cova dea head.

Jeremiah 14:4

Da groun all dry an stay crack, Cuz no mo rain inside da land. Da farma guys stay shame. Az why dey cova dea heads too.

Amos 3:2

He tell: “You guys, you da ony peopo dat I wen pick, From all da ohanas dat get all ova da world! Az why, you da peopo dat I goin punish Fo all da bad kine stuff you stay do.”

Zekariah 14:16

Den all da peopo dat still yet stay alive from all da peopos dat wen go agains Jerusalem, dey goin come back ery year fo go down in front da King—Da One In Charge, Da God Ova All Da Armies. Da peopos goin go Jerusalem fo make Da Spesho Religious Ceremony Fo Live In Shacks.

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Rules Secon Time 11:17

Cuz if you guys no lissen me, Da One In Charge, I goin come real huhu agains you guys, an I goin shut da sky fo stop da rain, an da groun no goin grow food. Den you guys goin mahke real quick cuz no mo food, no matta you live on top da good land dat I stay give you guys.

James 5:17

Elijah was jalike us guys. One time, he wen pray real hard an aks God fo go hold back da rain. An God wen hear him an do um. Dass why neva had rain ova dea fo three an a half year, dat time.

Jesus Show 11:6

Dose guys get da powa fo shut up da sky fo da rain no come. Dey goin stay tell wat God tell. Dey get da powa fo make da watta change fo come blood. An dey get da powa fo make all kine trouble come on top da peopo all ova da world too, weneva dey like.