Zekariah 14:11 - Hawaii Pidgin Bible

¹¹ Goin get peopo live inside Jerusalem. No mo nobody goin wipe um out one mo time, eva! Jerusalem goin stay safe.

Zekariah 14:11 ပူးပေါင်းရင်းမြစ်များ

Isaiah 26:1

Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Isaiah 66:22

“Jalike da new sky an da new earth dat I stay ready fo make, goin stay long time in front me, da peopo dat goin come from you guys goin stay long time, an peopo no goin foget wat kine peopo you guys, long time too.

Jeremiah 31:40

Inside da valley wea dey throw da mahke bodies an da ashes, an on da fields on da side a da valley from dea to da Kidron Stream, den to da corna nea da Horse Gate on da east side, all dat goin stay spesho fo me, Da One In Charge. Nobody goin bus up Jerusalem one mo time.”

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Ezekiel 37:26

I goin make one deal wit dem fo make eryting go good fo dem. Dat deal goin stay fo dem foeva. I goin make dem strong an give dem mo plenny peopo. An I goin put my Temple on top dea land foeva. Dass da place dat stay spesho fo me.

Joel 3:17

Da One In Charge tell, “Den you guys goin know Dat I yoa God, Da One In Charge. I live on top Mount Zion, da hill dat stay spesho fo me. All Jerusalem goin be spesho fo me. Da odda peopos no goin take ova Jerusalem eva one mo time.

Joel 3:20

Judah goin get peopo dat live dea all da time. Jerusalem goin get peopo fo plenny generations.

Amos 9:15

I goin put my peopo on top dea land Jalike I plant um dea. An nobody goin throw um outa dea land, eva. Cuz I wen give um dat land.” Dass wat Da One In Charge tell, an he da God fo dem!

Zekariah 12:6

“Dat time I goin make da Judah leada guys come jalike one fire pan wit hot coals dat make one big stack wood burn, an jalike one torch dat burn up da wheat afta dey harves um. Dey goin burn up all da peopo dat stay aroun dem, but da Jerusalem peopo goin stay safe.

Zekariah 2:4

Da numba two angel guy tell him, “Run! Go tell dat guy wit da string fo measure, ‘Bumbye Jerusalem goin come one big town dat get uku plenny peopo an animals inside um.

Zekariah 8:13

Fo shua, da odda peopos wen like put kahuna on top you Judah an Israel guys. But now I goin get you guys outa trouble! An you guys goin do good tings fo odda peopos. No sked! Come strong!”

Zekariah 8:4

Dis wat Da One In Charge, Da God Ova All Da Armies, tell: “One mo time, da real ol guys an wahines goin sit down inside da open squares all ova Jerusalem town. Dey all goin carry dea canes wit um cuz dey real ol.

Zekariah 8:8

I goin bring dem back fo live inside Jerusalem. Dey goin be my peopo, an I goin be dea God. Dey goin know dat dey can trus me, an dat I goin do da right kine tings fo dem.”

Census 21:3

Da One In Charge lissen wat da Israel peopo tell, an let dem win ova da Canaan peopo. Dey wipe out dem an dea towns to da max, jalike dey one sacrifice. So dey call da place Hormah, dat mean Wipe Out Fo God.

Rules Secon Time 33:28

Dass how da Israel peopo goin live, An nobody goin hurt dem. Da place wea dey live, Nobody goin bodda dem o wipe um out. Da land get plenny wheat an barley an new wine An da sky give plenny dew dea.

Jesus Show 21:4

God goin wipe away all da tears from dea eye. Nobody goin mahke no moa. Nobody goin stay sad inside, O cry, o suffa, Cuz da way tings wen happen befo time, All dat goin come pau!”

Jesus Show 22:3

No mo nobody goin put kahuna on notting no moa. Da throne wea God an God Bebe Sheep Guy sit goin stay inside da town, an all God worka guys goin work fo him.