Zekariah 13:9 - Hawaii Pidgin Bible

⁹ I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”

Zekariah 13:9 ပူးပေါင်းရင်းမြစ်များ

2 Samuel 7:24

You wen make us Israel peopo come yoa peopo foeva! An you, Da One In Charge, wen come da God fo us guys!

Job 23:10

But still yet, he know wat way I pick. Wen he tes me, I goin come jalike pure gold.

Job 28:1

“Fo shua, peopo know wea fo mine silva. An dey know wea fo go fo take da junks outa gold.

Songs 144:15

Da peopo dat live good lidat, Dey can stay good inside! Dey da peopo dat get Da One In Charge fo dea God, An fo shua, dey goin stay good inside!

Songs 43:4

Den I goin go by da altar Fo make one sacrifice fo you, God. You God! Wen I tink bout you, I stay real good inside! Dass why I goin sing good tings Bout you wit my harp. Eh God! You da God fo me!

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Smart Guys 17:3

Fo find out if silva an gold, good o no good, Gotta melt um on top da fire. But Da One In Charge, he da One Tell how peopo tink.

Love Song 2:16

Da one dat love me, he stay mines, An I stay his. He jalike one deer dat find his food wea da lily flowas grow.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Isaiah 48:10

An you know wat I stay do to you?! I stay take out da junk kine stuff inside you. But I no goin melt you guys Inside one real hot fire Jalike peopo melt silva metal Fo take out da junks. Me, I make you guys suffa plenny. Az how I tes you guys An make shua you come okay inside.

Isaiah 58:9

Den you guys goin call, An Da One In Charge goin hear dat an do someting. You guys goin yell fo help, An he goin tell, ‘I stay right hea!’ “But firs, you guys betta not give da odda guys hard time, Jalike you stay tie da yoke on top da cows! You guys betta not poin finga da odda guys, an no talk bad no moa!

Jeremiah 24:5

“Me, Da One In Charge, da God fo da Israel peopo, an dis wat I tell: ‘Da prisona guys from Judah, dey jalike da good figs. Dey da ones I wen sen away from dis place to da Babylon land.

Jeremiah 30:22

“Az how you guys goin come my peopo, An me, I goin come yoa God.”

Jeremiah 31:33

Da One In Charge tell, “Dis da deal I goin make wit da Israel peopo afta dat time: I goin put my rules inside dem. Jalike I write um inside dea head. Den I goin come dea God, an dey goin come my peopo.

Jeremiah 32:38

Dey goin come my peopo, an I goin come dea God.

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

Ezekiel 11:20

Wen I do dat, dey goin do wat I tell um dey gotta do, an take kea fo do wat I tell um az good fo do, an do um. Dey goin come my peopo, an I goin come dea God.

Ezekiel 14:11

Wen dat happen, da Israel peopo no goin bag from me no moa. An dey no goin come pilau no mo from da bad kine stuff dey do agains me. Dey goin come my peopo, an I goin come dea God. Az wat me Da One In Charge, da Boss, tell.”

Ezekiel 20:38

I goin throw out yoa peopo dat go agains me an bag from da deal you guys get wit me. No matta I bring dem outa da land wea dey stay prisonas, dey still yet no goin go inside da Israel land. Den you guys goin know dass me Da One In Charge dat do dat.

Ezekiel 36:28

“You guys goin live inside da Israel land dat I wen give yoa ancesta guys. You guys goin come my peopo, an I goin come yoa God.

Ezekiel 37:27

I goin live wit dem. I goin come dea God an dey goin come my peopo.

Daniel 11:35

Some a da leada guys dat undastan how come all dis stay happen, dey goin suffa. Az goin be jalike one tes fo da peopo fo make um come clean inside, an no mo notting bad goin stay wit dem. Goin stay lidis till jus da right time.

Daniel 12:10

“Plenny peopo goin clean up All da bad kine stuff dey get inside, So no mo notting bad goin stay inside dem. All dat goin be jalike one tes Fo make shua dey stay clean inside. But da bad kine guys goin still stay do bad kine stuff. No goin get nobody from da bad kine guys Dat goin undastan. But da leada guys dat know how come all dis stay happen, Dey goin undastan.

Joel 2:32

An den, erybody dat call to Da One In Charge fo help um Cuz dey know wat kine god him, He goin get dem outa trouble. Cuz Da One In Charge wen tell dis awready: “On top Mount Zion an inside Jerusalem, Goin get some peopo dat no mahke still yet,” Da ones dat still stay alive, dey da ones Da One In Charge call fo come.

Prieses 26:12

I goin stay walk aroun inside dea wit you guys, an come yoa God, an you guys goin come my peopo.

Zekariah 10:6

“I goin make da Judah ohana come strong. I goin get da Joseph ohana outa trouble. I goin bring dem back Cuz I get love an pity fo dem. Dey goin come jalike I neva leave dem. Cuz me Da One In Charge dea God, An I goin help dem wen dey pray to me.

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Zekariah 8:8

I goin bring dem back fo live inside Jerusalem. Dey goin be my peopo, an I goin be dea God. Dey goin know dat dey can trus me, an dat I goin do da right kine tings fo dem.”

Jesus Guys 2:21

An den, erybody dat know who Da One In Charge fo real kine An call out to him fo get um outa da bad kine stuff dey do, Da One In Charge, goin lissen an get um outa all dat.’

Hebrews 8:10

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

1 Peter 4:12

My frenz, no come bum out if you suffa plenny. Dass fo tes you guys how you stay inside. No tink you da ony one dat suffa plenny lidat.

Jesus Show 21:7

Whoeva fight an win ova da bad kine stuff, dey goin get all dat stuff. I goin be dea God, an dey goin be my kids.”

Jesus Show 8:10

Den da numba three angel guy blow his trumpet. An one big star dat stay burn jalike one torch, fall down from da sky on top thirty percent a da rivas an da pukas fo watta.

Jesus Show 8:11

Da star, dey call um “Bitta Taste.” Thirty percent all da watta come bitta, an plenny peopo drink um an mahke, cuz da watta come bitta.

Jesus Show 8:12

Da numba four angel guy blow his trumpet, an someting hit thirty percent a da sun, thirty percent a da moon, an thirty percent a da stars, an dey come dark. Da day time, thirty percent mo dark, an da nite time, thirty percent mo dark.

Jesus Show 8:7

Da firs angel guy blow his trumpet. An get hail an fire dat stay mix wit blood, come down real hard on top da earth. An thirty percent a da earth an da trees, an all da grass burn up!

Jesus Show 8:8

Da numba two angel guy blow his trumpet. Den someting dat look jalike one big mountain dat stay burn fall down inside da ocean. An thirty percent a da ocean watta come blood.

Jesus Show 8:9

Thirty percent a da tings dat live inside da ocean, dey all mahke. An thirty percent a all kine boats come all bus up.