Zekariah 13:8 - Hawaii Pidgin Bible

⁸ Da One In Charge tell, “All ova da whole land, Two-thirds a da peopo goin stay cut off an mahke. Da odda third goin stay alive ova dea.

Zekariah 13:8 ပူးပေါင်းရင်းမြစ်များ

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Isaiah 66:24

“An wen peopo go outside Jerusalem, dey goin see all da mahke bodies a da peopo dat wen go agains me. Da worm dat stay eat dem no goin mahke, an da fire dat burn dem no goin pio. Erybody goin feel pilau wen dey see da bodies.”

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Ezekiel 20:38

I goin throw out yoa peopo dat go agains me an bag from da deal you guys get wit me. No matta I bring dem outa da land wea dey stay prisonas, dey still yet no goin go inside da Israel land. Den you guys goin know dass me Da One In Charge dat do dat.

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Daniel 9:27

Da leada dat come goin make good one solid deal wit plenny peopos fo seven year. But in da middo a da seven year, he goin stop all kine sacrifice. On top one end a da temple he goin put up idol kine gods dat God hate plenny. Wat he goin do so horraz, goin make eryting come hamajang, an make erybody bag from dea, till da time dat God tell he goin make him stop.”

Amos 9:10

Goin get war, An all my peopo dat do wass wrong goin mahke. Dey da ones dat tell, ‘Notting bad goin happen to us guys! All dat bad kine stuff no goin catch us up!’ ”

Zefaniah 3:12

But I goin let da peopo stay inside Jerusalem Dat stay suffa, an no mo notting. But dey trus me Da One In Charge, Fo take kea dem.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.

Mark 13:20

If Da One In Charge no make dat time mo short, nobody goin come out okay. But fo help da peopo dat Da One In Charge wen pick, he goin make dat big trouble time mo short.

Jesus Show 16:19

Babylon, da mos importan big town, split an come three part. An da big towns fo da diffren peopos all ova da world get wipe out. God come huhu wit da peopo inside Babylon, da big town. He make um suffa real bad, cuz he tell “Laytas” to da bad kine stuff da peopo ova dea stay do. He make to dem jalike wen one guy make anodda guy drink too much real strong wine, fo make um come real piloot.