Zekariah 12:12 - Hawaii Pidgin Bible

¹² Da peopo all ova da land goin stay sad inside an cry, ery ohana goin cry wit dea ohana, dea wifes goin cry. Da David ohana goin cry, an dea wifes goin cry too. Da Nathan ohana goin cry, an dea wifes goin cry too.

Zekariah 12:12 ပူးပေါင်းရင်းမြစ်များ

2 Samuel 12:1

Da One In Charge tell Nathan fo go by David. Wen Nathan come dea, he tell David dis story: “Get two guys inside one town. One guy get plenny stuffs. Da odda guy no mo notting.

2 Samuel 5:14

Dese da names fo da kids born fo him Jerusalem side: Shammua, Shobab, Nathan, Solomon, Ibhar, Elishua, Nefeg, Jafia, Elishama, Eliada, an Elifelet.

Outa Egypt 12:30

Da Pharaoh guy, he get up nite time, same ting wit all his palace peopo an all da odda Egypt peopo. Had peopo stay yelling an crying fo help plenny all ova Egypt, cuz no mo even one house wea no mo nobody dat wen mahke.

Jeremiah 13:18

Go tell da king an da queen muddah dis: “Go come down from yoa thrones. Sit in da dirt an come notting. Cuz yoa beautiful crowns Goin come down from yoa head.”

Jeremiah 3:21

Da Israel peopo cry from on top da high mountains Wea da plants no grow cuz erybody go walk ova dea. Dey cry an beg da gods dea fo help dem, Cuz dey wen go da wrong way An foget bout dea God, Da One In Charge.

Jeremiah 31:18

Fo shua, I hear da Efraim peopo make sad kine noise, Dey tell: ‘You wen punish us guys jalike us one young cow Dat no like learn how fo pull one plow. But now, us guys know dat you wen punish us guys Fo teach us one lesson. Help us go home, an we goin go, Cuz you, oua God, dass Da One In Charge a us!

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Joel 2:16

Bring da peopo togedda. Make dem spesho fo Da One In Charge. Bring da makule guys togedda. Bring da kids togedda, Even da bebes, da ones dat dea muddahs breas feed dem. Da groom goin come outa his room, An da bride goin come outa her room.

Zekariah 12:11

Dat time dey goin cry real hard inside Jerusalem, jalike wen peopo wen go Hadad-Rimmon side inside da Megiddo valley, fo cry ova dea.

Zekariah 12:13

Da Levi ohana goin cry, an dea wifes goin cry too. Da Shimei ohana goin cry, an dea wifes goin cry too.

Zekariah 7:3

Dey suppose to tell da pries guys inside da Temple fo Da One In Charge, Da God Ova All Da Armies, an da guys dat talk fo Da One In Charge, fo tell dis: “Wat? We suppose to stay sad inside an no eat food da month numba five, jalike we stay do fo plenny year?”

Matthew 24:30

“I da Fo Real Kine Guy. Dat time, da peopo goin see someting up dea inside da sky dat goin show dem dat I stay come. An all da diffren kine peopos all ova da world goin cry hard an come real sad. Den dey goin spock me, da Fo Real Kine Guy. I goin come on top da clouds inside da sky. I goin come wit powa an I goin be awesome!

Luke 3:31

Eliakim, he Melea boy; Melea, he Menna boy; Menna, he Mattata boy; Mattata, he Nathan boy; Nathan, he David boy;

1 Corint 7:5

No hold back from each odda. Can fo short time, but ony if da husban an da wife tell each odda dey goin hold back fo make time fo pray. An den dey come back togedda, so Satan no can presha you guys fo fool aroun behind da odda one back. But if you no come back togedda fas, you no goin be strong enuff fo tell Satan “No!”

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!