Zekariah 12:10 - Hawaii Pidgin Bible

¹⁰ “Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Zekariah 12:10 ပူးပေါင်းရင်းမြစ်များ

Start 45:1

Had plenny Egypt peopo stay stan nea Joseph. But he no can handle no moa. Az why he yell in da Egypt language, “Erybody, get outa hea! I like stay hea wit dem!” Dass how Joseph tell his braddah guys who him wen da Egypt guys not dea.

Start 45:2

Den Joseph cry so loud, dat da Egypt guys hear, an even inside da palace wea da Pharaoh guy stay, dey find out too.

Songs 51:12

Let me stay good inside one mo time Cuz you get me outa trouble. Give me da kine spirit inside me Dat make me like do Wat you tell me fo do, Den I goin stan strong,

Smart Guys 1:23

You guys come back da right way an lissen, I goin tell you fo real kine wass wrong! An ho! I tell you wat stay inside me, Da kine stuff dat befo time I no can tell you. An I goin help you fo undastan wat I tell.

Smart Guys 4:3

Small kid time, same ting jalike you guys, I get my faddah fo teach me, An my muddah, she love me, Cuz was ony me dat time.

Isaiah 32:15

Eryting goin stay lidat Till da Spirit from da sky come An take charge us guys. Dat time, da place wea nobody live, Goin get fields wea plenny stuff grow. Da field wea peopo tink plenny stuff grow now, Dat time dey goin tink, Look jalike one fores.

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Jeremiah 31:19

Afta us guys wen go da wrong way, us come real sorry. Afta you show wat kine guys us, us slap oua head. Us get plenny shame an peopo no mo respeck fo us, Cuz from small kid time, us do bad kine stuff, an peopo talk bad bout us.’ ”

Jeremiah 31:9

Dey goin cry all da way hea, An wen I lead dem, dey goin pray plenny. I goin bring dem by da streams dat get plenny watta inside dat time, On top one easy fo go road Wea nobody goin trip an fall down. Cuz I da faddah fo da Israel peopo, An da Efraim ohana, dey jalike my numba one boy.

Jeremiah 50:4

Da One In Charge tell, “Dass goin be da time Wen da Israel peopo an da Judah peopo Goin like fo come tight wit dea God, Da One In Charge. Dey goin cry real hard Cuz dey like come tight wit him.

Jeremiah 6:26

My peopo, you betta put on burmbag kine clotheses An lay down on top da ashes fo show you stay sad inside! Stay sore inside an cry plenny, Jalike yoa ony boy wen mahke! Cuz wen you tink dey no stay come, Da army guys dat goin wipe us out goin come!”

Ezekiel 20:43

Wen you guys come ova dea, you no goin foget how you guys wen live, an all da real bad tings you guys wen do fo come pilau. Den you guys goin come all bum out cuz a all da bad kine stuff you guys wen do.

Ezekiel 37:14

I goin put my Spirit inside you guys an you guys goin stay alive. An I goin bring you guys back inside yoa land fo live ova dea. Den you guys goin know dass was me Da One In Charge wen tell all dis, an dass wat I wen do. Dis da message from me Da One In Charge!”

Ezekiel 39:29

I no goin hide from dem no mo cuz I goin give da Israel ohana peopo my Spirit, jalike I pour watta on top dem. Az wat me Da One In Charge, da Boss, tell.”

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”

Census 21:9

So Moses make one bronze metal snake, an put um up on top one high pos. Den wen one snake bite somebody, da guy look da bronze snake statue, an dey goin stay alive.

Matthew 24:30

“I da Fo Real Kine Guy. Dat time, da peopo goin see someting up dea inside da sky dat goin show dem dat I stay come. An all da diffren kine peopos all ova da world goin cry hard an come real sad. Den dey goin spock me, da Fo Real Kine Guy. I goin come on top da clouds inside da sky. I goin come wit powa an I goin be awesome!

Matthew 26:75

Den Peter rememba wat Jesus wen tell, “Befo da roosta crow, you goin tell three time you donno who me.” So den Peter go outside an come all hamajang an cry real hard.

John 1:29

Da nex day John spock Jesus stay coming by him, an he tell, “Eh, you guys, try look da guy ova dea! You know wat? He jalike God bebe sheep fo da sacrifice. He hemo da shame fo da bad kine stuff dat erybody inside da whole world stay do!

Jesus Guys 10:45

Da Jew guys dat trus Jesus, da ones dat come wit Peter, blow dea mind cuz God Good An Spesho Spirit take charge a even da peopos dass not Jew guys.

Jesus Guys 11:15

Wen I start fo talk, da Good An Spesho Spirit take charge a dem, jalike he wen take charge a us guys at da start.

Jesus Guys 2:17

“God tell, “ ‘Dis wat I goin do befo da world goin come pau, I goin make my Spirit take charge a all da peopo. Yoa boys an yoa girls goin talk fo me. Yoa young guys goin see spesho tings. An yoa ol guys goin dream plenny dreams.

Jesus Guys 2:33

God put him in da mos importan place by his right side, an he get da Good An Spesho Spirit, da One God wen promise. He make his Spirit take charge a us guys too, an dass wat you see an hear now.

Jesus Guys 2:37

Wen da peopo hear dat, dey come sore inside, an dey tell Peter an da odda guys Jesus wen sen all ova, “Braddahs, wat we goin do?”

Rome 8:15

Wen you guys get God Spirit in charge a you, God Spirit no goin make you guys live jalike slaves dat gotta stay sked all da time. Az how was befo time. Wen you get God Spirit in charge a you, you know you stay God kids! Az why he goin lissen wen we yell out, “Daddy!”

Rome 8:26

Anodda ting, God Spirit help us plenny, cuz us no mo powa. We donno how fo pray da right way. But God Spirit, he take ova an aks God fo do tings fo us. Cuz us guys get big pain inside us cuz we no shua how fo pray.

Efesus 6:18

Fo stan strong erytime, pray an stay tight wit God Spirit. Pray bout eryting, an tell God fo help you. Make shua you guys watch out, an hang in dea an pray fo all da peopo dat stay spesho fo God.

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.

Jude 1:20

My frenz, you guys no make lidat. Come strong inside, an trus God, cuz you guys trus da spesho stuff from God. Pray wit da powa da Good An Spesho Spirit give you guys.

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!

1 Samuel 7:2

Long time, twenny year awready, Da Box Fo No Foget Da Deal Wit Da One In Charge stay Kiriat-Jearim. An all da Israel peopo make sad kine noise cuz dey stay sad inside, an dey try know Da One In Charge mo betta.