Zekariah 11:7 - Hawaii Pidgin Bible

⁷ So me, Zekariah, I take kea da sheeps dey goin kill fo eat, fo help even da sheeps dat get trouble. Den I take two sticks fo walk, da kine da sheep guys use. I call one stick “I like um,” an call da odda stick “Come togedda.” Dass how I take kea da sheeps.

Zekariah 11:7 ပူးပေါင်းရင်းမြစ်များ

Songs 23:4

God, even if I go thru One real dark valley Wea can mahke dea, I no goin come sked Dat someting bad goin happen, Cuz you stay wit me. You carry one club Fo get me outa trouble, An one stick fo walk Fo show me wea fo go. An dat make me no worries Cuz eryting goin be okay.

Songs 27:4

Ony get one ting I like tell Da One In Charge fo do fo me. Dass da ony ting I stay wait fo: I like stay inside Da One In Charge house Till I mahke! I like hang out inside his Temple an feel good inside dea Fo see how Da One In Charge all da time make good to peopo!

Songs 90:17

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Isaiah 11:4

Dass why he make one good judge Fo da peopo dat no mo notting. Wen dis judge make up his mind, He goin do da right ting fo da peopo all ova da world Dat no tink dey numba one. Da stuff he tell cuz he da judge, Dat goin bus up peopo all ova da world, An wipe out da ones dat do bad kine stuff.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Jeremiah 39:10

But Nebuzaradan let some a da Judah peopo dat no mo notting stay dea inside da Judah land, an he give dem grape fields an odda fields dey can plow, dat time.

Prieses 27:32

From ery ten animals from da cows an sheeps an goats, wen da farma guy count um, da numba ten one he count stay spesho fo me, Da One In Charge.

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Zefaniah 3:12

But I goin let da peopo stay inside Jerusalem Dat stay suffa, an no mo notting. But dey trus me Da One In Charge, Fo take kea dem.

Zekariah 11:14

Den I broke my odda stick dat I call “Dey come togedda.” Dat mean, da Judah peopo south side an da Israel peopo no stay braddahs no moa.

Zekariah 11:4

Dis wat my God, Da One In Charge, tell: “Go take kea da sheeps, da ones dey goin kill fo eat.

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.

Mark 12:37

“Kay den. David call God Spesho Guy ‘Boss,’ aah? Den how he can be David boy, same time?” All da peopo hear him, an dey feel good inside.

John 10:16

I get odda sheeps too, dat no come from dis place. I gotta go get dem too. Dey goin lissen my voice, an dey goin come togedda, an be jalike one ohana wit one sheep guy.

James 2:5

Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.

1 Samuel 17:40

Den David pick up his stick, go down to da stream, an he pick up five smooth stones from dea, put um inside his bag dat he use wen he take kea da sheeps. He get his sling inside his hand fo throw da stone. Den he go nea da Filisha guy.

1 Samuel 17:43

He amp up an tell David, “Wot?! You tink I ony one dog, o wat?! Az why you come afta me wit one stick, aah?!” Den Goliat tell his Filisha kine gods fo do all kine bad stuff to David.