Zekariah 11:5 - Hawaii Pidgin Bible

⁵ Wen guys buy sheeps, you know, dey goin kill um, an dey no tink dey do someting bad. Da guys dat sell da sheeps tell, ‘Talk good bout Da One In Charge! Cuz now I stay rich!’ Even da guys dat take kea da sheeps, dey no show pity fo da sheeps.”

Zekariah 11:5 ပူးပေါင်းရင်းမြစ်များ

2 Kings 4:1

Had one wahine dat befo time stay marry one guy dat talk fo God, but he mahke awready. She go by Elisha an tell um, “My husban, yoa worka guy, he wen mahke, you know. An you know he was da kine guy dat get awesome respeck fo Da One In Charge. But he owe money to one guy. An now dat guy come fo take my two boys fo come his slave, fo pay wat my mahke husban owe him.”

Nehemiah 5:8

Wen erybody come togedda, I tell um, “Us guys, we stay buy back oua Jew braddah guys dat befo time peopo wen sell to da odda peopos fo make um slaves. Nuff awready, fo us guys do dat. But now, some a you guys, you stay sell yoa braddahs! An den, we gotta buy dem back too! No ways!” Da rich guys, dey no tell notting cuz dey no mo notting fo tell.

Jeremiah 2:3

Dat time, you Israel peopo wen stay spesho fo me, Da One In Charge, Jalike you guys was da firs food from da harves Dat peopo give to me. Anybody eat up dat food an no give um to me, Dey goin get blame fo dat. An all da bad kine stuff goin come on top dem.’ ” Dass da message from Da One In Charge.

Jeremiah 50:7

Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’

Ezekiel 34:10

Me, Da One In Charge, da Boss, I tell dis: I stay agains da sheep guys. I goin find out how my sheeps stay, an take away da right fo da sheep guys work wit dem. Den da sheep guys no goin feed ony dem sheep meat no moa. I goin rescue my sheeps from dem, an I no goin let dose guys eat da sheeps no moa.

Ezekiel 34:21

You momona sheep leadas push da weak sheeps hard wit yoa side an shoulda, an push um wit yoa horns, till you scatta dem far away.

Ezekiel 34:6

My sheeps go all ova da mountains, an on top all da high hills, but dey donno wea dey stay going. Dey stay scatta all ova da world, an no mo nobody find out wassup wit dem o look fo dem.’

Hosea 12:8

Az why da Israel peopo talk big. Dey tell, “Fo shua, I rich! But fo all da tings I wen get from my work, No can find notting bad dat I wen do!”

Hosea 12:9

Da One In Charge tell, “Me, Da One In Charge, yoa God. I wen bring yoa ancesta guys outa Egypt. Bumbye I goin make you guys live inside tents one mo time, Jalike wen yoa ancesta guys make da spesho religious ceremony, Da one Fo Live In Shacks.

Amos 2:6

You betta lissen! Dis wat Da One In Charge tell: “Ova an ova, you Israel peopo wen go agains me. Az why no way I goin let you guys go an no punish you guys! You Israel peopo tell, ‘Dis guy owe me money.’ Da judge tell, ‘Nah, he no owe notting.’ But no matta wat da judge tell, Still yet, you Israel peopo go sell da guy Fo silva money fo make um one slave. Da guy dat no mo notting, You Israel peopo sell um Jus cuz da guy owe you fo one pair new slippas.

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

John 10:1

Jesus tell, “Dis fo shua wat I tell you guys: If get one place fo da sheeps, an somebody no go inside dea by da gate, but he go climb ova da wall anodda place, dat guy ony like steal da sheeps.

John 16:2

Da Jew guys goin throw you outa dea churches. An even goin get one time wen whoeva kill you guys goin figga dey stay do someting good fo God.

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

Jesus Show 18:13

cinnamon, odda spice, incense, myrrh kine perfume, Arabia kine incense, wine, olive oil, fancy flour, wheat, cows, sheeps, horses, fancy wagon, prisonas an odda peopo fo come slaves.

Jesus Show 3:17

You guys tink, “Me, I stay rich. I get plenny, an no need notting!” Horraz! You guys donno still yet dat you all jam up! You guys no mo face, no mo money, no mo clotheses, an no can see!’