Zekariah 11:17 - Hawaii Pidgin Bible

¹⁷ “Bummahs, fo da sheep guy dat no worth notting! He bag from da sheeps. I like fo somebody wack his arm An his right eye wit one sword! I like his arm come all any kine, An he no can see notting wit his right eye.”

Zekariah 11:17 ပူးပေါင်းရင်းမြစ်များ

1 Kings 13:4

King Jeroboam hear wat da guy dat know God tell. He hear um yelling bout da Bethel altar. From right dea by da altar Jeroboam put out his hand an poin at da guy, an tell, “Grab dat guy!” But da arm he put out fo tell dis, come stiff, so he no can pull um back!

Isaiah 29:10

Cuz jalike Da One In Charge wen make you pass out an sleep! You guys dat talk fo him, He shut yoa eyes real good. You guys dat can see wat goin come bumbye, Jalike he wen cova yoa head wit one cloth.

Isaiah 44:10

Whoeva cut wood fo make one idol kine god, O pour hot metal fo make one statue, Dat idol no can do notting fo dem.

Isaiah 9:15

(You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.)

Jeremiah 22:1

Dis wat Da One In Charge tell: “Go down by da palace fo da Judah king. Wen you come ova dea, tell um:

Jeremiah 23:1

Anodda message from Da One In Charge: “Ho, da leada guys, dey all jam up! Dey suppose to take kea my peopo jalike da sheep guys take kea da sheeps. But dem, dey wipe out da sheeps inside my field! O dey make um run away all ova da place!”

Jeremiah 23:32

Fo shua, I stay agains da guys dat tell bulai kine dreams. Dey tell wat dey wen dream, an dey make my peopo go da wrong way wen dey go all out fo bulai um. But I neva tell dose guys fo talk fo me. I neva tell um fo do notting. Dey no do notting good fo dese peopo.” Az wat Da One In Charge tell.

Ezekiel 13:3

Dis wat da Boss, Da One In Charge tell: Ahanas, you stupid guys dat tell you talk fo me, Da One In Charge, cuz you ony lissen yoa spirit, an no see notting!

Ezekiel 34:2

“Eh! Fo Real Kine Guy! Go talk fo me agains da sheep guys inside Israel. Talk fo me, an tell um dis: ‘Dis wat Da One In Charge, da Boss, tell: Ahanas you Israel sheep guys! Bad tings goin happen to you! Az cuz you guys feed ony you! Eh you sheep guys! You suppose to feed da sheeps an da goats!

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Zekariah 11:15

Den Da One In Charge tell me, “One mo time, go take da kine tings one sheep guy use fo take kea da sheeps, da kine guy dat do bad kine stuff an no bodda him.

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Matthew 23:16

“Wassamatta you guys?! You guys goin get it! You guys no can see notting, but you guys try fo show da odda guys wea fo go. You guys tell, ‘If one guy swea to God he goin do someting, an he tell, “I swea by da Temple,” he no need do wat he tell. But if he swea to God an he tell, “I swea by da gold inside da Temple,” he gotta do um.’

John 12:40

“God make um fo dem no see, An make um hard head, Az why dey no like see wit dea eyes, No like undastan wit dea head, No like change an come by me. Az cuz dey no like fo me Make um come good.”

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

Rome 11:7

So wat, den? Da Israel peopo wen like get um right wit God, but dey no can. Ony da peopo God wen pick get um right wit him. Da oddas, dey ony come mo hard head still yet an dey no lissen God.

1 Corint 8:4

So den, even if da peopo make one sacrifice to da idol kine gods, an den somebody go eat dat food, we all know dat da idol kine gods inside dis world not da real God. Jalike da Bible tell, “Ony get one God dass fo real, an all da odda gods no mean notting.”

1 Samuel 2:31

An now, da time stay come wen I goin make you an all da odda peopo inside yoa ohana mahke wen dey young. No goin even get one ol guy inside yoa ohana.