Zekariah 10:5 - Hawaii Pidgin Bible

⁵ Togedda dey goin be strong jalike army guys Dat step all ova da ones dey fight in da mud. Cuz Da One In Charge stay wit dem, Dey goin fight an win even ova da guys on top da horses.

Zekariah 10:5 ပူးပေါင်းရင်းမြစ်များ

2 Samuel 22:43

I poun da buggahs real small, Jalike da dus dat da wind blow away. I grind um up jalike powda An walk all ova dem, jalike dey mud on top da street.

2 Samuel 22:8

“Den, get one earthquake! Da groun move dis side an dat side, Da foundation dat hold up da sky stay shake, An move dis way an dat way, Cuz God, he plenny huhu!

2 Kings 9:33

Jehu tell dem, “Throw her down hea.” So dey throw her down, an some a her blood go all ova da wall an da horses. Den Jehu make da horses walk all ova her mahke body.

Songs 18:42

I wen poun um an make um jalike powda, Jalike dus dat da wind blow aroun. I go sweep um outside, jalike dey dirt.

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Songs 33:16

Jus cuz one king get plenny army guys, Dat no mean he goin get outa trouble. Jus cuz one army guy real strong, Dat no mean da guy goin win da war.

Songs 44:5

Cuz a you, God, us guys can poun Da ones dat stay agains us. Cuz us guys yoa guys, Us can walk all ova da ones Dat like make war agains us.

Songs 45:3

Tie yoa sword aroun yoa wais! You one real strong guy! You look jalike one king, An you awesome!

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 41:12

No matta you guys go look fo da guys dat stay agains you, You no goin find dem. Whoeva make war agains you guys, Dey no goin stay cuz jalike dey notting.

Isaiah 41:25

“I wen make one guy come from da north side. He come dea from da place wea da sun come up. He know my name cuz he know who me. Dis guy walk all ova da guys in charge a da countries, Jalike dey mud, Ready fo make pots wit da clay.

Isaiah 8:9

“All you diffren peopos, Go do all da bad kine stuff you do! Den you goin lose fight cuz you sked. Lissen, you peopo in all da far places in da world, Get ready fo fight! But you goin lose fight cuz you sked. You, get ready fo fight one mo time! But you goin lose fight one mo time, cuz you sked.

Ezekiel 38:15

You an plenny odda peopos goin come from yoa far place north side. Dey all goin come wit horses. Goin get choke guys come togedda fo make one mangus army!

Amos 2:15

Da guy dat shoot arrow, He no goin stay standing. Da guy dat run fas, He no goin get outa dea. Da guy dat ride horse, He no goin stay alive.

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Micah 7:10

Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.

Haggai 2:22

I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.

Zekariah 12:4

Da One In Charge tell, “Dat time I goin wack ery horse from da odda peopos fo make um come real sked, an make da guys dat ride um come pupule. I goin take kea da Judah ohana, but I goin make all da odda peopo horses so dey no can see notting.

Zekariah 12:8

Dat time me, Da One In Charge, goin proteck da peopo dat live inside Jerusalem, jalike I stay put one shield aroun um. Az how da mos weak Jerusalem guy goin be jalike David, an da David ohana goin be jalike God, jalike wen da angel guy from Da One In Charge go in front dem.

Zekariah 14:13

Dat time, Da One In Charge goin make dose peopo come real mix up, an dey goin go attack each odda.

Zekariah 14:3

Den Da One In Charge goin go out fight dose peopos jalike he wen fight befo time.

Zekariah 9:13

I goin bend da Judah peopo jalike I bend one bow. An make da Efraim peopo jalike da arrows. I goin make you guys jalike one sword fo fight. I goin bring yoa Zion boys Agains da Greek boys.

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Matthew 4:3

So Satan go by him an presha him. He tell Jesus, “So, wat? You God Boy fo real kine? Den tell dese rocks hea fo come food.”

Luke 24:19

He tell, “Wat stuff?” Dey tell, “Da stuff dat dey wen do to Jesus, da guy from Nazaret. He one guy dat talk fo God. Wat he wen tell an do in front God an all da peopo wen show he get powa.

Jesus Guys 18:24

One Jew guy Apollos come Efesus. He from Alexandria. He one guy dat wen go school long time, an he know plenny bout wat da Bible tell from befo time.

Jesus Guys 7:22

Dey teach Moses plenny, so he know all da stuff da smart guys in Egypt know. An he talk an make jalike one guy dat get powa.

2 Corint 10:4

We no use da same kine tings fo fight, jalike da peopo inside dis world use fo fight one war. Wen we beef wit da hard head kine peopo dat try fo make argue, we get powa from God fo broke down da hard head way dey tink an undastan stuff.

Rules Secon Time 20:1

Wen you guys go fight one war wit da peopo dat stay agains you, an you see dey get horses an war wagons, an one army wit mo plenny guys den you get, no sked dem. Cuz yoa God, Da One In Charge, he goin stay wit you guys. He da One wen bring you guys hea from Egypt.

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.

2 Timoty 4:7

Jalike one runna guy, I wen run good an pau da race. I wen hang in dea fo do eryting Jesus, Da One In Charge, wen trus me fo do.

Joshua 10:14

Befo dat neva get one day jalike dat one, an from dat time, neva get anodda day jalike dat day one mo time. Cuz dat time, Da One In Charge wen lissen one guy. Fo shua Da One In Charge stay fight fo da Israel peopo!

Joshua 10:42

Joshua dem win ova all dose kings an dea lands in one war, cuz Da One In Charge, da God fo da Israel peopo, wen fight fo da Israel peopo.

Jesus Show 19:17

Den, jalike one dream, I see one angel guy dat stan wea da sun stay shine. He talk loud to da scavenja birds dat stay fly in da air, “Go come hea fo da big luau God goin make!

1 Samuel 16:18

One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”