Zekariah 10:2 - Hawaii Pidgin Bible

² Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Zekariah 10:2 ပူးပေါင်းရင်းမြစ်များ

Start 31:19

Dat time dey go, Laban awready stay inside da boonies fo cut da wool from his sheeps. Befo Rachel go, she steal da idol kine gods dat her faddah ohana pray to.

1 Kings 22:17

Den Mikaiah tell, “I see, jalike was one dream, All da Israel guys running all ova da hills, Jalike sheeps dat no mo sheep guy fo take kea dem. Da One In Charge tell me, ‘All dis guys, no mo boss fo dem. Let um all go home, An let eryting come good fo dem.’ ”

Job 13:4

But you guys, you bulai fo cova up da trut! All you guys jalike doctas dat good fo notting!

Job 21:34

“So! How you guys goin make me feel mo betta, Afta I hear all da stuff dat no mean notting dat you guys tell?! Da way you guys talk to me, no help me notting! You guys ony bulai!”

Isaiah 41:29

You know wat?! Dea idol kine gods, dey ony bulai! Wateva dey do, not importan. Dey jalike da wind, No mo notting inside!”

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Isaiah 44:9

“All da guys dat make idol kine tings, Dey no mo notting inside. All da statues dey figga worth plenny, Dey no worth notting. Da guys dat tell wat da idols can do, Dey blind, dey no can see notting. Dey donno notting. Az how come dey get plenny shame.

Isaiah 46:5

Fo shua, no mo nobody jalike me! Who you goin tell, me an dem, same same? You tink get somebody you can tell I jalike dem, an dey jalike me? No way!

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Jeremiah 14:13

But me, I tell, “Ho, my boss, Da One In Charge a me! I know you stay in charge a eryting! But da guys dat suppose to talk fo you stay tell da peopo: ‘You guys no goin see war, an you guys no goin come hungry. Fo shua, Da One In Charge goin make eryting stay okay an no goin get war inside dis place.’ ”

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 23:17

Ova an ova, dey tell da guys dat make deaf ear to me, ‘No worries! Da One In Charge tell, dat eryting goin stay okay fo you guys!’ Dey tell da guys dat stay hard head An make up dea mind fo do any kine, ‘No mo notting bad goin happen to you!’ ”

Jeremiah 23:32

Fo shua, I stay agains da guys dat tell bulai kine dreams. Dey tell wat dey wen dream, an dey make my peopo go da wrong way wen dey go all out fo bulai um. But I neva tell dose guys fo talk fo me. I neva tell um fo do notting. Dey no do notting good fo dese peopo.” Az wat Da One In Charge tell.

Jeremiah 27:10

Cuz wen dey tell you wat dea gods tell you, dey bulai. An cuz a dat, peopo goin bring you guys far away from yoa land. I goin kick out you guys, an you guys goin come wipe out.

Jeremiah 27:14

No lissen wat da guys dat tell dey talk fo Da One In Charge tell! Dey tell you guys no work fo da Babylon king fo bulai you!

Jeremiah 27:9

“ ‘Az why you king guys betta not lissen da guys dat talk fo yoa gods, da guys dat aks dea gods wat goin happen, da guys dat can tell you wat yoa dream tell, da guys dat call da spirit from da mahke peopo fo come tell you wat goin happen bumbye, da guys dat tell wass goin happen cuz dey know da bad kine spirits! No lissen dem wen dey tell you guys dat you no goin come slaves fo da Babylon king!

Jeremiah 28:15

Den Jeremiah tell Hananiah, “Lissen up, Hananiah! Da One In Charge neva sen you fo talk fo him! But you da one wen tell dis Judah nation fo trus wat you tell, but wat you tell, you bulai!

Jeremiah 29:8

Cuz Da One In Charge, da God Ova All Da Armies, da God fo da Israel peopo, tell dis too: “Da guys dat stay wit you guys an tell dey talk fo me, an da guys dat aks dea gods wat goin happen, no let dem bulai you guys! No lissen da peopo dat tell you ‘I know wat goin happen to you guys cuz I goin dream um.’ Cuz den dey goin dream howeva you like um fo dream!

Jeremiah 37:19

An wea yoa guys stay dat tell dey talk fo God? Dey tell you, ‘Da Babylon king no goin make war agains you guys o agains dis land!’

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Jeremiah 51:23

I goin use you fo bus up da sheep guys an dea sheeps, Fo bus up da farma guys an da cows dey use fo plow. Fo bus up da govnas an da govmen peopo.”

Jeremiah 6:14

Jalike my peopo all bus up an bleeding, But dem guys ony put small kine bandage, Cuz dey tink dey ony small kine hurt. Dey tell, ‘No worry, eryting stay okay!’ But no stay okay.

Jeremiah 8:11

Da peopo I get love an aloha fo Jalike dey stay all bus up! But da guys dat suppose to talk fo me an da pries guys, Dey ony put on top dem small kine bandage Cuz dey tink da peopo not importan. Dey tell, ‘Erything stay okay!’ But no mo notting stay okay!

Sad Song 2:14

Yoa guys dat suppose to talk fo God, Dey ony see plenny stuff dass stupid an worth notting! Dey no show up da bad kine stuff dat you guys stay do, Fo you guys change, An no come prisonas dat gotta go one far place. Da stuff dey tell you guys dat dey see fo you, Az wrong, an make you guys tink eryting goin come good!

Ezekiel 21:21

Cuz da Babylon king goin stop wea da two roads split fo hear from his gods wat one fo take. He goin make one kahuna kine ceremony fo find out wea fo go—drop arrows from his arrow bag an see how dey fall, aks da small kine idol gods he bring wit him wat fo do, an kill one animal fo see wat da liver tell.

Ezekiel 21:29

Goin get tings peopo see jalike dreams dat ony goin bulai you Ammon guys, wen yoa guys make ceremony fo tell wass goin happen, “Wat da dreams tell you Ammon guys no goin be true. Da sword goin wack da pilau crooks an kill um. Dis da time fo punish you Ammon guys. Goin be da end fo you guys!

Ezekiel 34:5

So dey scatta all ova da place cuz no mo sheep guys. Den da wild kine animals eat dem up.

Ezekiel 34:8

Dis da message from me Da One In Charge, da Boss: Fo shua I stay alive! An fo shua I tell dis too—cuz my sheeps no mo one sheep guy! Az why odda guys rip um off from me, an da wild animals eat um up! Az wat happen cuz my sheep guys neva try fo find out how da sheeps stay. Dey feed ony dem, an no feed da sheeps!

Hosea 3:4

Dass jalike one picha: Da Israel peopo goin stay long time. An all dat time, dey no goin get one king o prince, an dey no goin make sacrifice fo da odda gods. No goin get poses fo da odda gods dat stay kapu fo dem, o one spesho ves fo da Main Pries Guy, o small kine statues fo find out wat da odda gods tell.

Micah 2:12

God tell: “Fo shua I goin bring all you Jacob peopo togedda, An bring togedda da Israel peopo dat stay still yet, Goin be jalike plenny sheeps inside one fence, Inside wea get green grass fo dem. Goin get plenny peopo ova dea.

Habakkuk 2:18

“Peopo carve tiki kine gods, But da idols no can do notting fo dem! One metal kine god ony can bulai! Da guy dat make um trus da ting he wen make! He make idol kine gods dat no can even talk.

Zekariah 11:17

“Bummahs, fo da sheep guy dat no worth notting! He bag from da sheeps. I like fo somebody wack his arm An his right eye wit one sword! I like his arm come all any kine, An he no can see notting wit his right eye.”

Census 27:17

fo him go out an come back in front dem fo lead dem fo war. Az how da peopo a Da One In Charge no goin be jalike da sheeps dat no mo sheep guys fo take kea dem.”

Matthew 9:36

Wen he see all da peopo, he get love an aloha an pity fo dem, cuz dey all wore out inside an no can do notting cuz a dat. Dey jalike da sheeps dat no mo one sheep guy fo take kea dem.

Mark 6:34

Wen Jesus get outa da boat, he see all da peopo. He get pity fo dem, cuz dey jalike da sheeps dat no mo one sheep guy fo take kea dem. Right den an dea he start fo teach um plenny stuff.

Rules Secon Time 13:2

den maybe wat dey tell goin happen fo real. But den dey tell, “Go come! Us goin stay tight wit odda gods, an work fo dem!” An you guys neva know dose gods befo time.

Local Leadas 18:14

Den da five guys dat wen go firs time fo scope out da Laish land tell, “You guys know wat get inside one a dese houses? Get one spesho ves, odda idol kine gods, one idol dey carve, an anodda idol dey wen melt metal fo make um! Now you guys know wat you gotta do.”