Zekariah 10:12 - Hawaii Pidgin Bible

¹² I goin make dem come strong army guys, Cuz me Da One In Charge, an I strong. Wen dey march, dey goin use my name.” Az wat Da One In Charge tell.

Zekariah 10:12 ပူးပေါင်းရင်းမြစ်များ

Start 24:40

Abraham tell me, ‘Da way I live, God, Da One In Charge, see eryting I do. He tell me, dat he goin sen one a his angel messenja guys wit you. Dass how he goin make eryting come out good fo you. You goin get one wahine from my faddah guy ohana fo come my boy wife.

Start 5:24

He stay tight wit God wateva he do, an den, Enok disappea, cuz God take um away.

Isaiah 2:5

You peopo inside Jacob ohana, Come. Us go walk Wit light from Da One In Charge, an do wass right.

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 45:24

Dey goin tell dis bout me, ‘Fo shua, ony one way fo do da right kine stuff, Ony one way fo stay strong: Gotta stay tight wit Da One In Charge!’ But erybody dat come huhu wit Da One In Charge Dey gotta go in front him, An dey goin come plenny shame.

Ezekiel 30:24

I goin make da Babylon king arm come strong, an put my sword inside his hand. But I goin broke Pharaoh arms, an he goin moan in front da Babylon king jalike one guy dat litto mo mahke.

Micah 4:5

No matta all da odda peopos know wat kine gods dey live wit, Us guys, we goin stay tight Wit oua God, dass Da One In Charge a us, Cuz we know wat kine god him, foeva an eva.

Zekariah 10:6

“I goin make da Judah ohana come strong. I goin get da Joseph ohana outa trouble. I goin bring dem back Cuz I get love an pity fo dem. Dey goin come jalike I neva leave dem. Cuz me Da One In Charge dea God, An I goin help dem wen dey pray to me.

Zekariah 12:5

Den da Judah leada guys goin tink, ‘Da peopo dat live inside Jerusalem town, dey make us guys strong, cuz Da One In Charge Ova All Da Armies, he dea God.’

Efesus 6:10

So den, stan strong cuz you guys stay tight wit Da One In Charge, an he get all da powa you guys need fo make you guys strong inside.

Philippi 4:13

I strong enuff fo handle any kine cuz I stay tight wit Christ, an he give me da powa fo do um.

Colosse 2:6

Jalike how you guys wen make Jesus Christ Da One In Charge a you guys, make shua you guys stay tight wit him erytime.

Colosse 3:17

Wateva you guys tell o stay do, do eryting fo Jesus, Da One In Charge, cuz you guys stay his guys, an Jesus goin help you guys tell God da Faddah, “Mahalo plenny.”

1 Tessalonika 2:12

We wen give you guys good kine words, an kokua you guys, an tell you guys fo do good cuz you God peopo. God, he da King, an he awesome, an he tell you guys fo come be his peopo.

1 Tessalonika 4:1

So den, my braddahs an sistahs, get one mo ting I like tell you. Befo time, you guys wen learn from us guys how you suppose to ack fo make God stay good inside, jalike you guys stay do awready. Now us like aks you guys an beg you guys fo do um mo an mo still yet, cuz we all stay tight wit Da One In Charge, dass Jesus.

2 Timoty 2:1

Eh, Timoty my boy! You gotta be strong inside, you know! You stay tight wit da Spesho Guy God Wen Sen, az Jesus Christ. He stay do good tings fo you. Az how you goin come mo strong inside.