Zekariah 1:8 - Hawaii Pidgin Bible

⁸ Dis how was: Nite time, I see someting jalike one dream. I see in front me one angel on top one red horse. He stay stan inside one low place wea get some myrtle trees. In back a him stay odda angel guys on top red, brown, an white horses.

Zekariah 1:8 ပူးပေါင်းရင်းမြစ်များ

Start 20:3

But one nite, God go by Abimelek an make um dream. Inside da dream God tell um, “You know wat you stay do? You mahke awready, cuz you wen take dat wahine Sarah, an she get husban awready.”

Start 46:2

Nite time, Jacob no go sleep yet. He see someting jalike one dream, dat God stay talk to him. God tell, “Hui Jacob! Jacob!” Jacob tell um, “Yeah? Wat?! Dis me!”

1 Kings 3:5

Wen King Solomon stay Gibeon side, Da One In Charge show up fo Solomon see um inside one dream, one nite wen Solomon stay sleep. God tell um, “Wateva you like me give you, you aks me.”

Nehemiah 8:15

Dey suppose to tell da peopo aroun all da towns an all ova Jerusalem, fo make shua erybody know dey suppose to go up country, an bring back plenny branch from da olive tree, an da wild olive, da myrtle, da date palm trees, an odda trees dat get plenny leaf fo make shacks, jalike stay write down inside da Rules.

Job 4:13

I wen get skery kine dreams, Nite time, wen odda guys pass out sleep.

Love Song 2:16

Da one dat love me, he stay mines, An I stay his. He jalike one deer dat find his food wea da lily flowas grow.

Love Song 6:2

Da one dat love me come down by me awready, Cuz me, I jalike his garden Wea da balsam perfume bushes grow. He go thru da gardens fo eat, An fo pick da lily flowas.

Isaiah 41:19

I goin put trees inside da desert, Da cedar tree, da koa tree, Da myrtle tree, an da olive tree. Inside da Arabah Valley I goin put Tall pine tree, an short pine tree, An da cypress tree, all togedda.

Isaiah 55:13

Goin get pine tree Wea befo time get ony thorn bush, An flowa bush, Wea befo time get ony thistle. Dass how all dis goin happen, Fo erybody know wat kine god Da One In Charge. Goin stay lidat foeva, Jalike one sign dat nobody goin bus up eva.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Daniel 2:19

Dat nite, Daniel wen see someting jalike one dream, an God wen show him da secret. Den Daniel tell God Inside Da Sky “Mahalo plenny!” cuz he do good tings fo him.

Daniel 7:13

“Den, still inside my dream nite time, I wen see, Right dea in front me get somebody Dat look jalike one real kine guy! He stay come from da clouds inside da sky, Fo go by Da One Dat Stay From Befo Time. Da peopo dea bring da one dat look Jalike one real kine guy In front Da One Dat Stay From Befo Time.

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Zekariah 1:10

Den da firs angel, da one dat stay stan wea da myrtle trees stay, he tell, “Dey da ones dat Da One In Charge wen sen out fo go all ova da world.”

Zekariah 1:11

Da guy dat stay stan wea da myrtle trees stay, he one angel guy from Da One In Charge too. Da guys on top da odda horses tell um, “Us guys wen go all ova da world. We find dat all da peopo inside da world stay res an stay quiet.”

Zekariah 1:7

February 15, wen Darius stay king two year, get anodda message from Da One In Charge fo me, Zekariah, da guy dat talk fo Da One In Charge. (Me, Berekiah boy, an Iddo grankid.)

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Census 12:6

He tell, “Lissen wat I tell! ‘If get one a you guys Dat talk to yoa peopo fo me, Da One In Charge, Da way I make dat guy know az me, I make him see someting. I talk to him in his dreams.

Joshua 5:13

One time wen Joshua stay nea Jericho town, he look up an see one guy stay standing in front him. Da guy get one sword inside his hand. Joshua go by him an tell, “Eh! You stay wit us guys, o wit da guys dat stay agains us?”

Jesus Show 2:1

Den da One I wen see tell me, “Da messenja guy I wen sen fo help da peopo dat come togedda fo church Efesus side, write one letta to him, an tell um dis: “Da One dat hold da seven stars inside his right hand, an walk aroun wea get da seven gold stans fo put lamps on top, dis wat he tell:

Jesus Show 6:2

Den, eh! I look an see one white horse. Had one guy on top um wit one bow fo shoot arrow. He get one crown. An he go out jalike one army guy fo fight an win agains da guys dat hate him.

Jesus Show 6:4

Den anodda horse come out. Dat horse red jalike fire. Da guy dat sit on top um get da powa fo make da peopo all ova da world no stay good wit each odda, so dey fight an kill each odda. He get one mangus sword.