Zekariah 1:19 - Hawaii Pidgin Bible

¹⁹ So I aks da angel guy dat stay talk to me, “Wat dese horns mean?” He tell me, “Dese da nations dat wen make da Judah peopo, da Israel peopo, an da Jerusalem peopo scatta all ova.”

Zekariah 1:19 ပူးပေါင်းရင်းမြစ်များ

1 Kings 22:11

Had one a da guys dat talk fo dea gods name Zedekiah, Kenaanah boy, wen make tings dat look jalike bull horns outa iron. He tell, “Dis wat Da One In Charge tell. You goin push wit dese horns fo bus up da Aram army guys, till you wipe um out!”

Ezra 4:1

Da odda peopo dass not Jew guys, dat awready stay dea, dey stay agains da Judah an Benjamin peopo. Dose guys find out da peopo dat come back from Babylon wen start fo build one new Temple Fo Da One In Charge, da God fo da Israel peopo.

Ezra 4:4

From dat time, da odda peopos dass not Jew guys dat live aroun dea make da Judah peopo lose fight, an try fo make um real sked fo dem no go work.

Ezra 4:7

An layta, wen Artaxerxes come da big king fo da Persia land afta King Xerxes, da peopo dat stay agains da Judah peopo do da same ting one mo time. Dea leadas was Bishlam, Mitredat, an Tabeel. Dey use da Aram language fo write da letta. Wen da letta get to Persia, da peopo dea write um in da Persia language fo da big king ova dea read um.

Ezra 5:3

Az why Tatnai, govna fo da West Eufrates Side, an Shetar-Boznai an dea helpa guys come Jerusalem. Dey tell Zerubbabel guys, “Eh! Who tell you guys can build dis Temple dat was all bus up, an fo build da place one mo time, aah?!”

Songs 75:4

“I tell da guys dat talk big Bout wat dey do, ‘No talk big!’ I tell da guys dat stay do Bad kine stuff, ‘No show off how strong you stay!

Songs 75:5

No go shake yoa fis at da sky O make tantaran, Jalike like you da ony one Get da right fo talk!’ ”

Jeremiah 48:25

Us Moab peopo, not strong no moa! Us no mo powa fo fight!’ ” Az wat Da One In Charge tell.

Daniel 12:7

Da guy wit da linen kine clotheses, dat stay up da riva, put his two hands up to da sky. I hear him make one strong promise in front God dat stay live foeva. He tell, “Goin be three an a half year till dat time come. Wen da one dat make big kine trouble pau take away da powa from da peopo dat stay spesho fo God, all da stuff I wen tell you goin come pau too.”

Daniel 7:16

I go by one a da guys dat stay stan ova dea, an aks him wat da tings I see mean fo real kine fo him help me fo know wat all dat stuff mean. He tell:

Amos 6:13

Get Israel guys dat feel real good inside Cuz dea army guys wen take ova Lo-Debar, da no wort notting town! But dey bulai. Dey tell, “You know wat? Us guys so strong, us wen take ova Karnaim, da muscle town!”

Habakkuk 3:14

His fighta guys wen come jalike one storm, Fo make us guys scatta all ova da place. But you wen stab dea leada wit his spear. Dea guys wen stay good inside cuz dey figga dey goin win ova us guys. Jalike dey rip off da pooa peopo An no let nobody know.

Zekariah 1:18

Den I look up. An dea in front me get four animal horns.

Zekariah 1:21

I aks, “Wat dese guys come hea fo do?” He tell, “Da horns, dey da nations wen make da Judah peopo scatta all ova. Dey no let nobody even lif up dea head. Dese guys stay come fo make dose nations come sked! Dey goin throw down da nations dat wen lif up dea powa agains da Judah land, fo make dea peopo scatta all ova.”

Zekariah 1:9

I aks, “Boss, wat dis mean?” One angel messenja guy stay talk wit me. He tell, “I goin show you bout da guys on top da horses.”

Zekariah 2:2

I aks, “Wea you stay go?” He tell me, “I goin go fo measure Jerusalem, fo find out how wide an how long stay.”

Zekariah 8:14

Dis wat Da One In Charge, Da God Ova All Da Armies, tell: “Befo time I wen like hurt you guys plenny. Wen yoa ancesta guys make me come real huhu, I neva show pity fo dem!