Zekariah 1:18 - Hawaii Pidgin Bible

¹⁸ Den I look up. An dea in front me get four animal horns.

Zekariah 1:18 ပူးပေါင်းရင်းမြစ်များ

1 Kings 22:11

Had one a da guys dat talk fo dea gods name Zedekiah, Kenaanah boy, wen make tings dat look jalike bull horns outa iron. He tell, “Dis wat Da One In Charge tell. You goin push wit dese horns fo bus up da Aram army guys, till you wipe um out!”

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

Zekariah 1:17

“Go tell dis too: Me, Da One In Charge, Da God Ova All Da Armies, tell: ‘Eryting goin come good fo da peopo inside my towns one mo time. I goin pick Jerusalem an make my peopo on top Mount Zion feel good inside one mo time!’ ”

Zekariah 1:19

So I aks da angel guy dat stay talk to me, “Wat dese horns mean?” He tell me, “Dese da nations dat wen make da Judah peopo, da Israel peopo, an da Jerusalem peopo scatta all ova.”

Zekariah 2:1

Den I look up, an dea in front me get one guy dat hold one string fo measure inside his hand.

Zekariah 5:1

I look one mo time, an dea in front me get one roll up paypa dat stay fly!

Zekariah 5:5

Den da angel guy dat stay talk wit me come out an tell me, “Look up! See wass dis, dat stay show up!”

Zekariah 5:9

Den I look, an dea in front me get two wahines dat stay flying an da wind stay blowing thru dea wings. (Dey get wings jalike da stork bird.) Dey lif up da basket wit da earth undaneat um an da sky ova um.

Zekariah 6:1

I look up one mo time. Dea in front me get four war wagons coming outa one valley. Get one bronze mountain one side an anodda bronze mountain da odda side.

Joshua 5:13

One time wen Joshua stay nea Jericho town, he look up an see one guy stay standing in front him. Da guy get one sword inside his hand. Joshua go by him an tell, “Eh! You stay wit us guys, o wit da guys dat stay agains us?”