Zekariah 1:16 - Hawaii Pidgin Bible

¹⁶ “Az why, dis wat Da One In Charge, Da God Ova All Da Armies, tell, ‘Now I goin go back Jerusalem side an show pity fo da peopo dea. Dey goin build my house ova dea one mo time. An da construction guys goin start fo build up Jerusalem one mo time.’

Zekariah 1:16 ပူးပေါင်းရင်းမြစ်များ

Job 38:5

Who mark how big da world goin be? Who stretch out da line fo measure um? You tink you know, o wat?!

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 34:11

Ony all kine diffren birds Dat us Jew guys not suppose to eat Goin stay dea an make dea nes ova dea. God goin make shua da Edom land, No mo notting inside, An no mo shape notting.

Jeremiah 30:18

Dis wat Da One In Charge tell: “I goin make tings come good one mo time fo da peopo dat come from Jacob. I goin show love an pity fo dem wea eva dey live. Dey goin build Jerusalem town one mo time On top wea da bus up town was befo time. Dey goin build da palace one mo time dat get strong wall, An put um wea suppose to stay.

Ezekiel 40:3

He take me to dat big town an I see one guy ova dea dat shine jalike bronze metal. He stay stan inside da place wea da gate stay. He get one linen rope an one stick fo measure stuff inside his hand.

Ezekiel 47:3

Den da guy go east wit one line fo measure inside his hand. He measure one tousan seven hundred an fifty feet moa. Ova dea he take me thru da ankle high watta.

Ezekiel 48:35

“Fo go aroun da big town goin be six mile. An from dat time, da name fo da big town goin be Da One In Charge Stay Hea.”

Haggai 1:14

So Da One In Charge make erybody like go all out fo do wat he tell um fo do—Zerubbabel, Shealtiel boy, da govna fo Judah, an Joshua Jehozadak boy, da Main Pries Guy, an all da res a da peopo dat stay dea. Dey come da house fo dea God, Da One In Charge, Da God Ova All Da Armies, an start fo do da work.

Zekariah 10:6

“I goin make da Judah ohana come strong. I goin get da Joseph ohana outa trouble. I goin bring dem back Cuz I get love an pity fo dem. Dey goin come jalike I neva leave dem. Cuz me Da One In Charge dea God, An I goin help dem wen dey pray to me.

Zekariah 2:4

Da numba two angel guy tell him, “Run! Go tell dat guy wit da string fo measure, ‘Bumbye Jerusalem goin come one big town dat get uku plenny peopo an animals inside um.

Zekariah 2:5

But me, I da One goin be jalike one fire all aroun da town, jalike one wall! Wen I stay inside da town, goin be awesome!’ ” Dass wat Da One In Charge tell.

Zekariah 2:6

Da One In Charge tell, “Bummahs! Run! Run away from da Babylon land, dat stay come from da north road! Cuz I wen make you guys scatta all ova da place, jalike da four winds!

Zekariah 4:9

“Zerubbabel wen put down da foundation fo dis temple, an he goin build da whole ting too. Den you, Zerubbabel, goin know dat was Da One In Charge, Da God Ova All Da Armies, wen sen me by you guys.

Zekariah 8:3

Dis wat Da One In Charge tell: “I goin go back Mount Zion, an live inside Jerusalem town. Den dey goin call Jerusalem, ‘Da big town wea erybody tell da trut.’ An da mountain dat I own, me, Da One In Charge, Da God Ova All Da Armies, dey goin call um ‘Da Mountain Dat Stay Spesho Fo Da One In Charge.’ ”