Zekariah 1:14 - Hawaii Pidgin Bible

¹⁴ Den da angel guy dat stay talk wit me tell, “Talk loud! Tell erybody wat Da One In Charge, Da God Ova All Da Armies, tell: ‘I stay real jealous bout da peopo in Jerusalem an on top Mount Zion.

Zekariah 1:14 ပူးပေါင်းရင်းမြစ်များ

Isaiah 37:32

Cuz da res a da peopo from Jerusalem goin come. Goin get peopo dat da Assyria guys leave behind wea da Temple stay. Da One In Charge, Da God Ova All Da Armies, He goin do um, cuz az wat he fo real kine like do.

Isaiah 38:22

an Hezekiah aks wat kine sign Da One In Charge goin give him dat he goin come good.

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 40:6

Somebody tell, “Call out!” An I aks um, “Wat I goin tell?” He tell me fo tell dis: “All da peopo, jalike da grass. Dey do ony wat dey can do, But dey jalike da wild flowas Dat grow inside one field.

Isaiah 42:13

Da One In Charge, he goin out fo fight Jalike one strong army guy. Jalike one army guy he stay ready fo fight, An he yell. He stay huhu, an he yell fo start fo fight Da guys dat stay agains him, An he goin be da winna ova dem!

Isaiah 59:17

Fo make ready fo fight, Da One In Charge put on his body armor. Az how come nobody can hurt him. Dat mean, he stay do da right ting erytime. He put on his helmet. Dat mean, he know how Fo get his peopo outa trouble. Da shirt he put ova da body armor, Az jalike fo show da bad guys How he goin pay um back Fo eryting dey wen do. Da fancy kine robe he wear, Az jalike fo show Dat he goin go all out fo do all dis.

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Ezekiel 36:5

Me, Da One In Charge, da Boss, tell dis: I stay real huhu jalike one hot fire! I stay huhu wit da odda nations an wit all da Edom peopo cuz dey get bad attitude, an make jalike dey get good fun wen dey take ova my property. Az cuz dey like rip off da grass land fo dea sheeps eat ova dea.

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Joel 2:18

Den Da One In Charge goin go all out fo his land, An show pity fo his peopo.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Zekariah 1:13

Da One In Charge give good kine words to da angel guy dat stay talk wit me. God tell him stuff fo make da angel feel good inside.

Zekariah 1:17

“Go tell dis too: Me, Da One In Charge, Da God Ova All Da Armies, tell: ‘Eryting goin come good fo da peopo inside my towns one mo time. I goin pick Jerusalem an make my peopo on top Mount Zion feel good inside one mo time!’ ”

Zekariah 1:9

I aks, “Boss, wat dis mean?” One angel messenja guy stay talk wit me. He tell, “I goin show you bout da guys on top da horses.”

Zekariah 4:1

Den da angel messenja guy dat talk wit me befo time come back. He shake me wen I stay tinking plenny, jalike you wake up one guy wen he stay sleep.