Zefaniah 3:6 - Hawaii Pidgin Bible

⁶ Da One In Charge tell: “I wen wipe out plenny peopos. Dea big towns dat get strong wall stay all bus up. No mo nobody stay inside dea streets. No mo nobody go thru dea. Dea big towns stay all wipe out. No mo nobody stay dea.

Zefaniah 3:6 ပူးပေါင်းရင်းမြစ်များ

Isaiah 14:26

Dis wat I wen plan fo da peopo All ova da world. Dass how I stay ready fo use my powa Fo take charge a all da peopos.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Jeremiah 9:12

Nobody stay smart enuff fo undastan all dis! No mo nobody dat Da One In Charge wen teach fo da guy tell wat all dis mean! How come da land stay all wasted an burn up jalike da boonies fo no mo nobody go thru dea?!

Prieses 26:31

I goin make yoa towns come all bus up, an wipe out da places you make spesho fo yoa gods. I no goin feel good inside notting from da nice smell you guys make wit yoa sacrifices.

Zefaniah 2:5

Az why hard! You guys dat live by da shore! You Keret peopo, You Canaan peopo, wea da Filisha peopo stay, Da One In Charge grumble bout all you guys. He tell, “I goin wipe you out! No mo nobody goin stay dea!”

Zekariah 7:14

An I scatta dem jalike wit one tornado, so dey gotta go wea all da odda nations stay. An no mo nobody know dem ova dea. Inside dea land, no mo peopo. Az why no mo nobody like come dea, an no mo nobody go way from dea. Az how dey make dis nice land come one place wea no mo nobody stay!”

Matthew 23:38

You know wat? Eryting come all poho fo you guys awready!

1 Corint 10:11

All dat stuff wen happen to da Israel peopo fo show us guys someting, you know. Dey wen write um all down fo us guys learn wat kine stuff us betta not do, cuz da end a da world time stay coming!

1 Corint 10:6

All dat stuff wen happen fo show us guys dat we not suppose to go all out fo do da bad kine stuff, jalike all da peopo dat time.

Joshua 23:4

No foget how I give da land from all da peopos dat stay hea still yet to yoa ohanas, fo come yoa property. I wen win ova dose peopos. Dat land go from da Jordan Riva one side, to da Mediterranean Sea da west side.