Zefaniah 3:2 - Hawaii Pidgin Bible

² Dey no lissen nobody. Dey tell “Laytas” wen somebody teach um how fo do da right ting. Dey no trus Da One In Charge. Dey no come nea dea God.

Zefaniah 3:2 ပူးပေါင်းရင်းမြစ်များ

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Songs 10:4

Dese big head guys, Dey no like know God. All da time dey tink, “Weneva us guys make one plan fo do bad kine stuff, No need tink bout God!”

Songs 50:17

Cuz weneva I tell you wat you gotta do, You come all piss off. You throw out eryting I tell.

Songs 73:28

Fo me, da bestes ting is dis: Fo me come mo tight wit you, God. Eh! Da One In Charge, my Boss, I go by you fo you proteck me! I goin tell erybody Bout all da awesome tings You stay do!

Songs 78:22

Cuz dey neva trus God, az why. Dey neva like tink lidis: “God da One Fo get us guys outa trouble!”

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Smart Guys 5:12

An den you goin tell: “Bummahs! I no like How peopo wen try teach me Fo do da right ting! How dey tell me az wrong, Erytime I go do someting bad. But inside, I tink, ‘I no goin change!’

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.

Isaiah 29:13

My Boss tell: “Dis peopo tell dey mines, But dey ony mout! Dey talk jalike dey get respeck fo me. But ony mout dem! Inside dey stay far from me. Wen dey like show love an respeck fo me, Dey ony copy da words dey wen learn From da rules odda peopo tell um fo do.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 43:22

“You Jacob ohana peopo! No was me you guys wen aks fo help you. You Israel peopo! You guys neva bus ass an come tired Fo do stuff fo me.

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Jeremiah 13:25

Dis wat goin happen to you guys. I wen measure awready wat goin happen, Cuz you guys wen foget me, Da One In Charge. You wen trus da fake idol kine gods.

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Jeremiah 22:21

“Dat time eryting stay okay fo you, I wen tell you watch out! But you tell, ‘I no goin lissen you!’ Az how you ack from small kid time. You neva lissen me!

Jeremiah 32:33

Dey turn dea back to me an make jalike dey no give a rip, no matta I wen teach dem ova an ova. Wen I teach dem stuff, dey no lissen fo change wat dey do.

Jeremiah 35:13

“Dis wat Da One In Charge, da God Ova All Da Armies, da God fo da Israel peopo, tell: Go tell da Judah guys an da peopo dat live inside Jerusalem, ‘Eh! You guys like learn someting, o wat?! You can learn how fo lissen wat I tell you fo do!

Jeremiah 35:17

“Az why me, Da One In Charge, da God Ova All Da Armies an da God fo da Israel peopo, tell dis: ‘Lissen up! I goin make bad tings happen to da Judah peopo an all da peopo dat live inside Jerusalem. All da bad kine stuff I tell, goin happen to dem. Cuz I talk to dem, but dey no lissen. I call dem, but dey make jalike dey no hear me.’ ”

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Ezekiel 22:24

“Eh! Fo Real Kine Guy! Tell da peopo dat live on top da Israel land dat you guys wen come one land dat no goin come clean from da rain. Cuz dis da time I stay piss off wit you guys!

Ezekiel 24:13

You Jerusalem peopo no stay clean inside. You guys no can come in front me Da One In Charge cuz you stay pilau inside an do all kine bad stuff. I wen try fo make you come clean from all da pilau kine stuff, but you no like. Cuz a dat, you guys no goin come clean one mo time till I pau punish you cuz I stay huhu wit you.

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

2 Timoty 3:16

Eh, eryting inside da Bible stay dea cuz God breave um inside da guys dat wen talk fo him befo time. Dass why eryting inside da Bible, az good fo use um fo teach, an fo show wat stay wrong, an fo help peopo no do da bad kine stuff no moa, an fo turn back an stick wit da good kine stuff, an fo teach peopo fo do wass right.

Hebrews 10:22

Az why, us guys goin come tight wit God. Inside, we goin like do wass pono an go all out fo trus God. Cuz God know dat all da bad kine stuff inside us no mo awready. Dass jalike he wen sprinkle us guys clean inside, an wash oua bodies clean wit clean watta.