Zefaniah 3:18 - Hawaii Pidgin Bible

¹⁸ Da One In Charge tell, “You guys dat stay sad inside Cuz you no can go to da spesho religious ceremonies, I goin take away yoa hard time an yoa shame.

Zefaniah 3:18 ပူးပေါင်းရင်းမြစ်များ

Songs 43:3

Shine yoa light fo show wass true, Fo me know wea fo go. Dass how I goin go by Zion Hill Dat stay spesho fo you, Cuz dass da place you live.

Songs 79:4

Da peopos dat live aroun us guys Make fun a us guys. Dey make any kine to us An talk bad bout us Jalike we notting.

Jeremiah 23:3

“Me, I goin bring togedda da ones from my peopo dat still stay alive. I goin bring um all back dea place, from all da lands wea I wen make dem go. Dey jalike my sheeps, an dey goin get plenny bebes.

Sad Song 1:4

Da roads dat go Mount Zion, jalike dey stay sad, Cuz no mo nobody go da spesho religious ceremonies. All da town gates, no mo nobody dea. Da pries guys moan. Da young wahines stay sad, Jalike Mount Zion stay suffa plenny.

Sad Song 1:7

Wen da Jerusalem peopo get hard time an donno wea dey going, Dey no foget all da rich kine stuffs dey get befo time. Wen da guys dat wen fight da Jerusalem peopo catch um, No mo nobody help dem. Wen da guys dat wen fight dem look da town, Dey laugh cuz da Jerusalem peopo come wipe out.

Ezekiel 34:13

I goin bring dem out from da diffren peopos an bring um togedda from da diffren lands. Den I goin bring um back inside dea land. I goin take kea dem on top da Israel mountains, nea da rivas, an all da place inside da land wea peopo live.

Ezekiel 36:24

I goin take you guys outa da odda nations an bring you guys togedda from all da odda lands. I goin bring you guys back inside yoa land.

Ezekiel 9:4

Da One In Charge tell him, “Go all ova Jerusalem town. Go find all da peopo dat stay make sad kine noise an stay crying cuz dey sore inside from all da pilau kine stuff erybody stay do ova dea. Go make one mark on top dem. Put um on top dea forehead.”

Hosea 1:11

Den da Judah peopo an da Israel peopo goin come back togedda one mo time. Dey goin pick one leada. An dey goin come up outa da land wea dey stay. Dass goin be one real importan time fo da Jezreel peopo, cuz Jezreel mean ‘God plant’ too. God goin plant dem inside dis country one mo time!”

Hosea 9:5

Egypt side an Assyria side, wat you guys goin do Wen you suppose to make da spesho religious ceremonies? Da times dat stay spesho fo Da One In Charge?

Zefaniah 3:20

An dat same time, I goin bring you guys togedda. I goin bring you guys back to yoa place. I goin make da peopos all ova da world Know wat kine peopo you guys, An make um talk good bout you guys. Dat time, I goin bring you guys back So you no goin stay prisonas no moa, An you guys goin see all dat happen!” Dass wat Da One In Charge tell.