Zefaniah 3:16 - Hawaii Pidgin Bible

¹⁶ Dat time, da Jerusalem peopo goin hear dis: ‘No sked, you peopo dat go Zion hill fo pray! No lose fight!

Zefaniah 3:16 ပူးပေါင်းရင်းမြစ်များ

Job 4:3

Tink how you wen teach plenny peopo. You make plenny weak peopo come strong.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 40:9

“You Mount Zion peopo dat tell good kine stuff, Go up on top one high mountain Fo tell erybody! You Jerusalem peopo dat tell good kine stuff, Talk loud! No sked! Tell da peopo inside da towns all ova da Judah land, ‘Look! Dis yoa God!’

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 44:2

Dis one spesho message from Da One In Charge! He da One make you his peopo. He wen shape you inside yoa muddahs. An he goin help you guys. He tell: “Eh, no sked! You Jacob guys, you work fo me. You Israel peopo dat do wass right, I wen pick you.

Isaiah 54:4

“Eh my peopo! No sked, cuz you no goin come shame no moa. Cuz nobody goin make you come shame. Jalike da wahine dat no mo her kids, But now she get um, She foget her was shame Befo time wen her was young. Jalike she goin foget How bad peopo wen make her feel Wen her no mo husban.

Joel 2:21

You peopo inside da land, no sked! Dance an sing an stay good inside! Da One In Charge do awesome tings!

Zekariah 8:13

Fo shua, da odda peopos wen like put kahuna on top you Judah an Israel guys. But now I goin get you guys outa trouble! An you guys goin do good tings fo odda peopos. No sked! Come strong!”

Zekariah 8:15

But now, I goin do good tings one mo time fo you guys inside Jerusalem an Judah! No sked!

John 12:12

Da nex day, plenny peopo dat wen come Jerusalem fo da Passova ceremony hear dat Jesus stay come dea.

2 Corint 4:1

Az why, cuz God give us guys chance, we get dis job fo tell peopo bout his New Deal. So we no give up.

Galatia 6:9

We gotta hang in dea, an no get wore out fo do good kine stuff. Cuz bumbye us goin get wat us work fo, if we no give up.

Efesus 3:13

Az why I stay tell you guys, no come bum out jus cuz I stay suffa plenny fo you guys. I do all dis fo peopo know how awesome you guys stay.

Hebrews 12:12

Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”

Jesus Show 2:3

You guys hang in dea, an no matta you guys suffa plenny cuz you my guys, still yet, you guys no give up.