Zefaniah 3:13 - Hawaii Pidgin Bible

¹³ “Da Israel peopo dat still stay alive, Dey no goin do wrong kine stuff. Dey no goin bulai peopo. Dey no goin tell stuff you no can trus. Jalike sheeps dat eat grass an den res, No mo notting goin make dem run away sked.”

Zefaniah 3:13 ပူးပေါင်းရင်းမြစ်များ

2 Records 20:30

So da peopo dat get Jehoshafat fo dea king no need fight no moa, cuz his God make him no need worry bout da trouble all aroun.

Job 11:19

You goin lay down, an nobody goin make you come sked. Plenny peopo goin make nice to you.

Songs 119:3

An dey no do bad kine stuff. Dey live da way Da One In Charge Tell um fo live.

Songs 120:2

Eh! Da One In Charge! Get me outa trouble! Peopo come afta me Fo bulai me an scam me.

Songs 120:3

All you peopo dat talk Jalike you goin scam me, You no tink God goin punish you guys Way mo fo do dat, o wat?!

Songs 23:2

Jalike he bring me fo lay down Wea da choice an sof grass stay, An take me by da calm watta.

Isaiah 17:2

Da peopo goin leave all da towns Aroer side. Dey all goin go way from ova dea. Goin come one place fo da cows an sheeps an goats. Dey goin lay down dea, An no goin get nobody fo make dem sked.

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Isaiah 54:14

You guys goin come solid Cuz you stay do da right ting erytime, No mo nobody goin put presha on you guys, An you no need stay sked no moa. Cuz da tings dat make you sked, No even goin come nea you guys.

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.

Isaiah 63:8

He tell, ‘Fo shua, da Israel ohana, Dey my peopo. Dey my kids, An dey no goin go agains me.’ Az why Da One In Charge, he da One Dat get his peopo outa trouble.

Isaiah 65:10

Fo my peopo dat come fo aks me someting, Da Sharon plain goin come one place Wea da sheeps an goats goin get plenny grass. Da Akor Valley, wea get big trouble befo time, Goin come one place wea plenny cows goin res.

Jeremiah 23:4

I goin put leada guys ova dem jalike real kine sheep guys fo take kea dem. Dey no goin stay sked no moa, an erybody dat suppose to be dea, goin be dea.” Az wat Da One In Charge tell.

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Jeremiah 31:33

Da One In Charge tell, “Dis da deal I goin make wit da Israel peopo afta dat time: I goin put my rules inside dem. Jalike I write um inside dea head. Den I goin come dea God, an dey goin come my peopo.

Ezekiel 39:26

Bumbye dey goin live inside dea land, an nobody goin hurt dem o make dem sked. But even ova dea, dey goin carry da blame fo da shame kine stuff dat dey wen do befo time, an fo show dat I no can trus um.

Joel 3:17

Da One In Charge tell, “Den you guys goin know Dat I yoa God, Da One In Charge. I live on top Mount Zion, da hill dat stay spesho fo me. All Jerusalem goin be spesho fo me. Da odda peopos no goin take ova Jerusalem eva one mo time.

Joel 3:21

I neva punish da Egypt guys an da Edom guys, Da ones dat wen make my peopo bleed an mahke. But now I goin punish dem! Me, Da One In Charge, Goin live on top Mount Zion, My spesho place!”

Prieses 26:6

“I goin make eryting come good fo you guys inside da land. Wen you guys lay down, you no need stay sked a nobody. I goin take away da wild kine animals from da land, an no mo nobody goin go thru dea fo make war.

Micah 4:4

Dat time, erybody goin sit down Undaneat his grape plant an his fig tree, An nobody goin make um come sked. Cuz Da One In Charge, Da God Ova All Da Armies, Wen tell dis.

Micah 4:7

Me, Da One In Charge, I goin make Da peopo dat no can walk good Come one new nation. Da peopo da odda guys wen push away, I goin make dem come real strong. I goin be dea king dat live Mount Zion From dat time an foeva.”

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Zefaniah 2:7

Dat land goin be fo da peopo from da Judah ohana dat still stay, Dey goin find green grass ova dea fo dea animals. Wen come dark, dey goin lay down Inside da houses wea da Ashkelon peopo stay befo time. Dea God, Da One In Charge, Goin bring back da Judah ohana From wea dey was prisonas, An take kea dem.

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Zekariah 8:12

“Da seeds goin grow good, da grape vines goin grow fruits, da groun goin grow food, an da sky goin give watta. I goin give all dis stuff to da peopo dat still yet stay alive.

Zekariah 8:16

Dese, da kine tings you guys suppose to do: Tell da trut to each odda! You judge guys, gotta tell da trut, an judge peopo da bestes way!

Zekariah 8:3

Dis wat Da One In Charge tell: “I goin go back Mount Zion, an live inside Jerusalem town. Den dey goin call Jerusalem, ‘Da big town wea erybody tell da trut.’ An da mountain dat I own, me, Da One In Charge, Da God Ova All Da Armies, dey goin call um ‘Da Mountain Dat Stay Spesho Fo Da One In Charge.’ ”

Matthew 13:41

I da Fo Real Kine Guy, you know, an I goin sen my angel guys all ova da place wea I stay King, fo pull out all da guys dat broke da Rules From God an dat tell da odda guys fo broke da Rules too.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

Colosse 3:9

No bulai each odda. Az cuz you guys wen throw out da ol kine way an no do da bad kine stuff no mo dat you guys wen do befo time.

1 Peter 3:14

But no matta you suffa plenny fo da right ting, God goin do good stuff fo you. No sked da same tings dat make odda peopo come sked, an no worry.

1 John 5:18

Fo shua all da ones dat stay God kids no do bad kine stuff, cuz God Boy take kea dem, an da Bad Guy, da Devil, no can hurt dem.

Jesus Show 14:5

No mo nobody can tell dat dey bulai, cuz dey no bulai. No can poin finga dem.

Jesus Show 21:27

But da kine peopo dat no can go in front God, dey no can go inside da town. Same ting fo da peopo dat do pilau kine stuff an bulai peopo, dey no can go inside da town. Ony da peopo dat God Bebe Sheep Guy get dea names inside his Book, Da Book Dat Tell Who Get God Kine Life, dey can go inside God big town.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.