Zefaniah 2:8 - Hawaii Pidgin Bible

⁸ Da One In Charge tell: “I wen hear da Moab peopo Talk bad bout my peopo. I hear da Ammon peopo make fun a my peopo, An talk bad bout um too. Dey tell dey goin take ova da land wea my peopo live.”

Zefaniah 2:8 ပူးပေါင်းရင်းမြစ်များ

Start 19:37

Da older daughtah, she born one boy, an she give um da name Moab, dat mean, “From Faddah.” He da ancesta guy fo da Moab peopo dat get nowdays.

Start 19:38

Da younga daughtah, same ting. She wen born one boy, an she give um da name Ben-Ammi, dat mean, “Boy From My Ohana.” He da ancesta guy fo da Ammon peopo dat get nowdays.

Isaiah 15:1

Me Isaiah, I get heavy kine stuff fo tell bout wat I see goin happen to da Moab peopo: Ony one nite, Ar town goin come wipe out! Dass how da Moab land goin come all bus up. Ony one nite, Kir town goin come wipe out too! Dass how da Moab land goin come all bus up.

Isaiah 16:6

We wen hear dat da Moab peopo get real big head. Dey plenny high nose. Dey go any place dey like. But all dea big kine talk, Az not true, an no mean notting!

Jeremiah 12:14

Dis wat Da One In Charge tell: “All da real bad kine peopos dat live nea me, dey like grab da land I wen give to my Israel peopo fo come dea property. I goin throw out dose bad peopos from dea land. But I goin throw out da Judah ohana from dea land too!

Jeremiah 48:1

Fo Moab, dis da message from Da One In Charge, da God Ova All Da Armies, da God fo da Israel peopo: “Ho! Bummahs fo da peopo dat live Nebo town, Cuz dey goin come wipe out! Da Kiriataim peopo goin come prisonas an come shame. Da mountain dat get one strong wall on top, Dat wall goin broke down An da peopo dea goin come shame too.

Jeremiah 49:1

Dis wat Da One In Charge tell bout da Ammon peopo: “You tink da Israel peopo no mo boys, o wat? O you tink da Israel faddahs no mo nobody Fo take ova dea land wen dey mahke? Den, how come da Ammon peopo stay take ova da Gad ohana land Fo dea god Molek? How come dey take ova da Gad ohana towns an live dea?”

Sad Song 3:61

Da One In Charge, you hear dem talk bad bout me. You hear how dey make plans agains me.

Ezekiel 21:28

“An you, Real Kine Guy! Go talk fo me. Tell wat me Da One In Charge, da Boss, tell—bout da Ammon ohana peopo, an bout da way dey mout off an make fun a da Israel peopo. Tell um dat get one sword! Da sword come outa da sword bag ready fo kill you Ammon peopo! All polish fo kill cuz dat sword flash jalike da lightning!

Ezekiel 25:1

Get anodda message from Da One In Charge a me:

Ezekiel 35:12

Den you Edom guys goin know, dass me Da One In Charge wen hear all da bad kine stuff you guys tell agains da Israel peopo an dea mountains. You guys tell, “Odda guys wen wase da Israel mountains, an dey give um to us guys. Now us guys goin eat um up!”

Ezekiel 36:2

Da peopo dat stay agains you mountains tell, ‘Ahanas! Da real high mountains dat stay from befo time come oua property awready!’

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Amos 2:1

You betta lissen! Dis wat Da One In Charge tell: “Ova an ova, da Moab peopo wen go agains me. Az why, no way I goin let um go an no punish dem! Dey wen make any kine to da mahke king fo da Edom peopo, Cuz dey wen dig up his body an burn his bones Till ony get ash fo make mortar.

Zefaniah 2:10

Cuz dey get big head. Dey talk bad an talk big To da peopo fo Da One In Charge, Da God Ova All Da Armies, Dis wat goin happen to dem:

Joshua 5:9

Den Da One In Charge tell Joshua, “Today, I take away da shame you guys wen get cuz you was slaves Egypt side.” Az why erybody still yet call dat place Gilgal.