Zefaniah 2:15 - Hawaii Pidgin Bible

¹⁵ Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Zefaniah 2:15 ပူးပေါင်းရင်းမြစ်များ

Job 16:4

I can talk jalike you guys too, you know. If you guys wen suffa jalike me, I can put togedda words agains you guys too, An shake my head jalike someting wrong wit you guys.

Job 27:23

Jalike da wind clap hands an make fun a dem, An hiss wen he blow um outa dea place.”

Isaiah 22:2

All ova Jerusalem town Some a you guys stay yell an moan, An odda guys make party! Same time get mahke guys bodies all ova da place. Nobody wen kill dem wit swords. Dey neva fight in da war, But still yet, dey mahke.

Isaiah 32:11

Shake an come sked You wahines dat no give a rip bout notting. Shake an come sked You daughtahs dat stay shua notting goin hurt you. Take off yoa clotheses An put burmbag cloth aroun yoa wais Fo show you stay sad an crying.

Isaiah 32:14

Erybody goin go way from da palace An leave da big town Dat wen get plenny noise befo time. Da hill wit da strong wall an da towas Goin get pukas an caves inside. Da wild donkeys goin like live dea Cuz no mo peopo, An da goats goin get food fo eat ova dea.

Isaiah 32:9

Eh, you wahines dat no stay worry bout notting! Stan up an lissen wat I stay tell you! You daughtahs stay shua notting goin hurt you, Lissen wat I get fo tell you.

Isaiah 47:10

You Babylon guys, you stay shua Dat wen you guys do bad kine stuff You stay okay. Cuz you tell, ‘Nobody see me.’ You tink you know plenny stuff An know wat fo do erytime. Inside, you tell, ‘Me, da ony one! No mo nobody jalike me, ony me!’

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 19:8

I goin bus up dis big town so no goin get notting dea, an peopo goin come shock wen dey see um. Erybody dat pass by dea goin come bum out. Dey goin come shock cuz da town stay all bus up.

Jeremiah 50:13

Cuz Da One In Charge tell ‘Laytas’ to wat da Babylon peopo stay do, No mo nobody goin live ova dea. Erybody dat pass by Babylon goin make big noise So da bad kine spirits no come nea, Cuz da town stay all bus up.

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Sad Song 2:15

All da odda peopo dat pass by you Jerusalem guys, Dey clap hands fo make fun a you guys. Dey shake dea head fo show dey no mo respeck fo you. Dey tell, “Ahanas! Dis da big town dey call ‘Da Beautiful Place,’ o wat?! Dis da place dat peopo all ova da world stay good inside Wen dey tink bout um, o wat?!”

Ezekiel 27:36

Da trader guys dat go aroun wea da diffren peopos live Tell “Dass horraz!” wen dey tink bout you Tyre peopo. Real horraz, da way you come wipe out! An foevas you no goin be no moa!’ ”

Ezekiel 28:2

“Eh! Fo Real Kine Guy! Tell da guy dat stay in charge Tyre side: Dis wat Da One In Charge, da Boss, tell: “ ‘You get one big head. You tell, “Me, I one god! I sit on top da kine throne one god get Inside da middo a da oceans.” But you ony one guy! You not one god, No matta you tink you akamai jalike one god.

Ezekiel 28:9

So! You tink you goin tell, ‘I one god!’ Wen you in front da buggah dat goin kill you? Wen da buggahs go fo stab you an put dea hands on top you, You goin ony be one guy, not one god!

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Nahum 3:19

No mo notting can make yoa sword cut come good. You stay hurt, an you goin mahke. Erybody stay suffa Cuz you wen ack real mean erytime! Az why erybody dat hear bout you Clap dea hands fo show dey feel good Cuz you wen come wipe out!

Habakkuk 1:7

Erybody stay real sked a dem. Dey make up da kine rules dey like. Dey make um fo dem be da ones come importan.

Matthew 27:39

Had some guys dat stay walk ova dea dat shake dea fis at Jesus an yell, “Shame, you!