Zefaniah 2:14 - Hawaii Pidgin Bible

¹⁴ All kine wild animals goin lay down wea Nineveh was, Da diffren animal nations. Da owl an da heron goin sleep on top da poses fo da buildings. Can hear um thru da windows. Goin get bus up stuff all ova da places wea had doors. Da fancy kine cedar wood goin come wasted from da sun an rain.

Zefaniah 2:14 ပူးပေါင်းရင်းမြစ်များ

Songs 102:6

I look jalike one scavenja bird Dat live inside da boonies, Jalike one small kine pueo dat live Wea ony get bus up kine houses.

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Jeremiah 22:14

He tell, ‘I goin build my big palace. I goin get rooms on top da oddas wit plenny space. I goin put big windows dea. An put cedar wood panel all ova da inside wall. An paint um real red.’

Amos 9:1

Amos tell: “Jalike one dream, I wen see my Boss. He stan right dea by da altar fo da sacrifice. He tell: “ ‘Go wack da top a da main poses fo da Temple! Till eryting undaneat da poses shake an fall down! Bus um up fo da whole ting fall down! Bring um down on top da head a all da peopo Dat still yet stay inside da Temple! Anybody stay alive still yet, I goin kill um wit da sword. No mo nobody goin get outa dea, No mo nobody goin run way!

Zefaniah 2:6

Da land by da sea, wea da Keret peopo stay, Goin get ony sheep guys an sheep pens ova dea.

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!