Zefaniah 2:10 - Hawaii Pidgin Bible

¹⁰ Cuz dey get big head. Dey talk bad an talk big To da peopo fo Da One In Charge, Da God Ova All Da Armies, Dis wat goin happen to dem:

Zefaniah 2:10 ပူးပေါင်းရင်းမြစ်များ

1 Records 16:21

Da One In Charge neva let nobody make any kine to dem. Fo help oua peopo, he even tell kings dey wrong.

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

Outa Egypt 9:17

But you still yet ova an ova ack jalike my peopo ony junk, an you no let um go way!

Isaiah 16:6

We wen hear dat da Moab peopo get real big head. Dey plenny high nose. Dey go any place dey like. But all dea big kine talk, Az not true, an no mean notting!

Jeremiah 12:14

Dis wat Da One In Charge tell: “All da real bad kine peopos dat live nea me, dey like grab da land I wen give to my Israel peopo fo come dea property. I goin throw out dose bad peopos from dea land. But I goin throw out da Judah ohana from dea land too!

Jeremiah 48:14

“How come you Moab guys talk big an tell, ‘Us no sked fo fight! Us strong fo make war!’?

Jeremiah 48:29

“Us guys wen hear bout da Moab peopo get big head. Dey tink dey get um. Dey ack high makamaka to odda peopo. Inside, dey tink dey mo betta den odda peopo.

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Ezekiel 25:6

Cuz dis wat me Da One In Charge, da Boss, tell: You guys wen clap yoa hands, stamp yoa feets, an dance an sing, cuz you hate da peopo from da Israel land, an stay good inside wen all dat bad kine stuff happen to dem.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Obadiah 1:11

Had one time, you guys jus stan far an look. Dat time, guys dat nobody know take away rich kine stuffs from da Jacob peopo. An guys from anodda place go inside Jerusalem An pull straw fo who goin take wat stuff from da big town. Dat time you guys do bad stuff, Jalike you one a dem guys from anodda place, Cuz you neva do notting fo help da Israel guys!

Obadiah 1:3

Cuz you guys get big head, You ack jalike you know eryting. But you donno notting! You guys live wea you can hide inside da cliffs, An inside da high mountains. You guys tink, ‘No mo nobody can bring me down on top da groun!’

Zefaniah 2:8

Da One In Charge tell: “I wen hear da Moab peopo Talk bad bout my peopo. I hear da Ammon peopo make fun a my peopo, An talk bad bout um too. Dey tell dey goin take ova da land wea my peopo live.”

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”