Zefaniah 1:3 - Hawaii Pidgin Bible

³ I goin wipe out all da peopo an all da animals. I goin wipe out da birds in da sky. An da fish in da ocean. Da idol kine statues dat look jalike dem Goin come wipe out too. Same time, da bad kine peopo goin come wipe out, Wen I cut off all da peopo from on top da earth.” Az wat Da One In Charge tell.

Zefaniah 1:3 ပူးပေါင်းရင်းမြစ်များ

Start 6:7

An den Da One In Charge figga, “I goin wipe out from da world all da peopo I wen make awready. I goin wipe out all da animals too, da small kine tings dat crawl, an da birds dat fly inside da sky, cuz bodda me dat I wen make all dis.”

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Isaiah 6:12

No stop talk till me, Da One In Charge, Sen all da peopo one far away place, An get plenny place all ova da land Wea da peopo leave eryting an go way.

Jeremiah 12:4

“Da land stay coming all dry, An da grass inside ery field stay come wipe out, An da animals an birds go way awready. Cuz da peopo dat live inside dat land do bad kine stuff. How long moa, till you goin make dem stop?! An dose bad peopo stay tell, ‘God no give a rip wat happen to us guys!’ ”

Jeremiah 50:3

Goin get one peopo Come from da north side An attack Babylon town. Dey goin wase da Babylon land. So no mo nobody goin live ova dea. Da peopo an da animals all goin run away from dea, But dey not goin know wea dey going.’ ”

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Ezekiel 44:12

But cuz wen dey work fo da Israel peopo, dey do um jalike dey da pries guys fo dea own pilau idol kine gods, not fo Da One In Charge. Dey make da Israel peopo do bad kine stuff! An az why I make one strong promise dat dey goin had it from me wen I punish dem. Az wat me Da One In Charge, da Boss, tell.

Ezekiel 7:19

Dey goin throw dea silva on top da streets. Dey goin make jalike dea gold stay pilau. Da silva an da gold no goin get um outa trouble. Cuz dat time, me Da One In Charge goin show I stay huhu wit dem. Dey goin stay hungry, but dea silva an gold no goin give um notting fo put inside dea opu. Was da silva an gold dat wen make um like do bad kine stuff!

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Hosea 14:8

“Eh! You Israel peopo! Tell ‘Laytas’ to da idol kine gods! I da One goin lissen wen you guys pray, An take kea you guys. I jalike one green pine tree dat make shade fo you guys. An all da good tings dat happen to you guys, stay come from me!”

Hosea 4:3

Cuz a dat, all da peopo stay sad inside. Eryting dat live inside da land goin come dry up— Da wild animals inside da boonies, Da birds inside da sky, An da fish inside da watta, dey all goin mahke.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Matthew 13:41

I da Fo Real Kine Guy, you know, an I goin sen my angel guys all ova da place wea I stay King, fo pull out all da guys dat broke da Rules From God an dat tell da odda guys fo broke da Rules too.

Matthew 23:39

I tell you guys, you no goin see me one mo time till you tell, ‘Dis guy come wit powa from Da One In Charge. We like God do plenny good tings fo him!’ ”

Jesus Show 2:14

“ ‘But eh! I get dis agains you guys: You guys get peopo ova dea dat make jalike da guy Balaam wen do long time befo time. Dat guy wen teach King Balak how fo make da Israel peopo do bad kine stuff. He make um eat food da odda peopo awready give fo make sacrifice to da idol kine gods, an go fool aroun wit peopo dey no stay married to.