Zefaniah 1:18 - Hawaii Pidgin Bible

¹⁸ Dea silva an gold no can get dem outa trouble dat day Wen Da One In Charge go wild wit dem. He goin be jealous, jalike one fire Dat goin burn up all da peopo inside da world. Cuz az fo real, dat he goin bring one skery end Fo all da peopo dat live on top da earth!”

Zefaniah 1:18 ပူးပေါင်းရင်းမြစ်များ

Start 6:7

An den Da One In Charge figga, “I goin wipe out from da world all da peopo I wen make awready. I goin wipe out all da animals too, da small kine tings dat crawl, an da birds dat fly inside da sky, cuz bodda me dat I wen make all dis.”

1 Kings 14:22

But da Judah peopo, dey do stuff Da One In Charge tell az bad. Da bad kine stuff dey wen do, was mo bad den da stuff dea ancesta guys wen do. Cuz a dat, dey make Da One In Charge come real huhu an jealous, cuz dey suppose to live fo him an dey no make dat way.

Job 21:30

Dey can tell you guys, dat wen get big trouble, Da bad kine peopo no suffa. Wen God come huhu, dey outa dea awready!

Job 3:15

Maybe I can sleep wit da leada guys dat wen get gold, An fill dea houses wit silva.

Songs 78:58

Wen dey make place fo pray On top da hills, Dey make God feel bad. Dey go down an pray To dea idol kine gods, An dat make God come jealous.

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Smart Guys 11:4

Wen God ready fo wipe out eryting Cuz he no can stan wat peopo stay do, All da money you get, no goin help you! Wen you stay do da right ting erytime, Dat goin get you outa trouble wit wateva can make you mahke.

Smart Guys 18:11

Da money dat one rich guy get, Fo him, dass jalike one strong wall aroun his town. Da way he tink, Da wall too strong fo anybody come inside.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Ezekiel 16:38

I da judge, an I goin punish you Jerusalem peopo. I goin punish you jalike da Rules tell fo da wahines dat fool aroun da guys dey no stay married to, an da wahines dat kill peopo. Dat mean, you goin bleed an mahke. Cuz I stay real huhu wit you, jalike one jealous husban.

Ezekiel 23:25

I goin stay huhu wit you cuz I jealous. Da Babylon guys an da odda guys goin come down real hard on you cuz dey real mad. Dey goin cut off yoa nose an ears, an yoa peopo dat still stay alive goin get kill wit da swords. Dey goin take yoa boys an girls fo come prisonas, an da ones dat still yet stay alive goin burn up in da fire.

Ezekiel 7:11

Da guys dat like bus up erybody, now dey come jalike one stick fo wack da bad kine peopo! Dass why nobody stay—No mo big noise from da crowd, no mo peopo dat make high makamaka!

Ezekiel 7:19

Dey goin throw dea silva on top da streets. Dey goin make jalike dea gold stay pilau. Da silva an da gold no goin get um outa trouble. Cuz dat time, me Da One In Charge goin show I stay huhu wit dem. Dey goin stay hungry, but dea silva an gold no goin give um notting fo put inside dea opu. Was da silva an gold dat wen make um like do bad kine stuff!

Ezekiel 7:5

“Me, Da One In Charge, da Boss, I da One tell dis: Someting bad goin happen! One bad kine ting dat neva happen befo!

Zefaniah 1:11

Cry, you guys dat live aroun da market place! Cuz all da guys dat come fo do biznis wit you guys, Goin come wipe out! An all da guys dat weigh da silva fo you guys, Goin get kill!

Zefaniah 1:15

Dat time goin be one day Wen me Da One In Charge goin come real huhu. One day wen peopo goin come bum out an get stress. One day wen peopo goin get plenny trouble an come wipe out. One day wen goin come dark, jalike da dark stay thick. One day wen goin get plenny clouds an black sky.

Zefaniah 2:2

Go come togedda befo da time start Dat Da One In Charge come huhu! Dat time goin come fas, Jalike wen da wind blow da junks outa da wheat! Go come togedda befo Da One In Charge catch up you guys, Cuz he real huhu wit you! Do um befo he punish you guys, Cuz he real mad!

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Matthew 16:26

Poho fo one guy get eryting inside dis world, but da guy end up cut off from God foeva, an no mo da real kine life inside. You tink you rich enuff fo buy back yoa life?

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

Rules Secon Time 31:17

Da time wen dat happen, I goin come huhu wit dem, an leave dem behind. I goin hide my face from dem, an I goin wipe dem out. Plenny trouble goin happen to dem an hard time goin come. Dat time, dey goin tell, ‘Fo shua, us guys get all dis bad kine stuff happen cuz oua God no stay wit us, aah?’