Zefaniah 1:16 - Hawaii Pidgin Bible

¹⁶ One day wen dey goin hear da sheep horn trumpets an yelling fo fight Agains da big towns dat get strong wall, An towas on top da cornas fo da wall.

Zefaniah 1:16 ပူးပေါင်းရင်းမြစ်များ

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Isaiah 32:14

Erybody goin go way from da palace An leave da big town Dat wen get plenny noise befo time. Da hill wit da strong wall an da towas Goin get pukas an caves inside. Da wild donkeys goin like live dea Cuz no mo peopo, An da goats goin get food fo eat ova dea.

Isaiah 59:10

We ack jalike guys dat no can see. We gotta touch da walls like peopo dat no mo eye. Noon time, we trip an almos fall down jalike almos dark. Wen we stay wit da strong guys, We feel jalike da mahke guys.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Ezekiel 7:7

Da bad kine stuff goin happen to you guys dat stay inside da land. Da time stay nea. Da peopo all sked an eryting kapakahi. No mo nobody throw party!

Hosea 5:8

“Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Rules Secon Time 28:52

Dey goin put army guys all aroun da big towns inside yoa land, fo nobody go inside o come outside, till da tall strong walls aroun da towns fall down, da ones you guys wen trus fo help you. Dey goin put dea army guys aroun all da towns inside da land dat yoa God, Da One In Charge, stay give you guys.

Joshua 6:20

Den da pries guys blow da trumpets an da peopo yell. Wen get da loud noise from da trumpets an da peopo, da walls fall down! Den ery Israel army guy go strait inside, an dey take ova da town.