Zefaniah 1:13 - Hawaii Pidgin Bible

¹³ Dat kine peopo, goin get all dea rich kine stuffs rip off. An dea houses all bus up. Dey goin build houses, But dey no goin live inside um. Dey goin plant grape fields, But dey no goin drink da wine.”

Zefaniah 1:13 ပူးပေါင်းရင်းမြစ်များ

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Jeremiah 15:13

All da rich kine stuff you guys get, I goin let da army guys dat come rip um off. Dey no goin buy um, Cuz a all da real bad kine stuff you guys do All ova yoa country.

Jeremiah 17:3

I goin let da army dat goin come take ova da hill dat stay spesho fo me. An all da rich kine stuffs you guys stash, An all yoa sacrifice places on top da hills— I goin let da army guys rip um all off. Dass how you guys goin pay Fo all da real bad kine stuff you guys do All ova yoa country.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 5:17

Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Jeremiah 9:19

Can hear da crying come from inside Jerusalem, Da peopo tell, ‘Us guys all bus up! Us guys stay shame! Us gotta give up oua land, Cuz da peopo dat stay agains us Wen bus up oua houses!’ ”

Sad Song 5:2

Oua property wen pass to peopo us guys donno. Peopo from anodda place get oua houses.

Ezekiel 22:31

Az why I goin show dem dat I stay huhu, an burn dem up cuz I stay mad, jalike da fire burn dem up. I goin wipe um out fo all da bad kine stuff dey wen do. Az wat me Da One In Charge, da Boss, tell.”

Ezekiel 7:19

Dey goin throw dea silva on top da streets. Dey goin make jalike dea gold stay pilau. Da silva an da gold no goin get um outa trouble. Cuz dat time, me Da One In Charge goin show I stay huhu wit dem. Dey goin stay hungry, but dea silva an gold no goin give um notting fo put inside dea opu. Was da silva an gold dat wen make um like do bad kine stuff!

Ezekiel 7:21

I goin let army guys from odda places rip off dea stuff. Da worses kine peopo in da world goin steal um. Dey no give a rip wat dey do to da stuff dey steal, an dey goin make all dat stuff come pilau.

Ezekiel 7:24

Da country wit da worses kine peopo, I goin let dem take ova you guys houses. Da Israel guys dat get big head cuz dey tink dey real strong, I goin make um come all shame. Dose peopo, dey goin make da spesho places fo da odda gods come pilau so nobody can pray dea.

Amos 5:11

Cuz da peopo dat no mo notting, You guys make um pay tax An take away some a da food dat dey harves an clean, Cuz a dat, no matta you guys build house Wit fancy kine cut stone block— You guys no goin live inside. No matta you guys plant one good looking kine grape farm— You guys no goin drink da wine from dose grapes.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Micah 6:15

You guys goin plant food, But you no goin harves da food. You guys goin step da olives fo press out da oil, But you no goin get oil fo pour on top yoa head. You guys goin step da grapes fo press out da juice, But you no goin get wine fo drink.

Zefaniah 1:9

Dat time, I goin punish Erybody dat jump ova da flat stone Unda da door a da temple Fo show respeck fo dea gods. Dose guys bulai peopo an bus um up, Fo dem fill up dea bosses house Wit stuff dey get From rip off peopo.”

Rules Secon Time 28:30

“If you make one promise fo marry one wahine, anodda guy goin take her an rape her. If you go build one house, you no goin live inside um. If you plant one grape farm, you no goin start fo eat um an feel good bout um.

Rules Secon Time 28:39

You guys goin plant grape farms an take kea um, but you no goin bring in da grapes o drink da wine cuz da worms goin eat um.

Rules Secon Time 28:51

Dey goin eat all yoa bebe animals an da food dat you guys wen plant, till dey wipe out you guys. Dey no goin leave you guys wheat o barley, new wine, new olive oil, bebe cows, o bebe sheeps. Dey goin wipe you guys out till you no mo notting!