Zefaniah 1:10 - Hawaii Pidgin Bible

¹⁰ Da One In Charge tell, “Dat time, somebody goin yell fo help from da Fish Gate. Dey goin cry from da Secon Districk. Dey goin hear one loud crash from da hills.

Zefaniah 1:10 ပူးပေါင်းရင်းမြစ်များ

2 Samuel 5:7

But David, he take ova da strong wall aroun Mount Zion! Nowdays, dass da place dey call “David Town.”

2 Samuel 5:9

Den David start fo live inside da strong wall dea, an call da place “David Town.” He build up eryting aroun da town, from da extra wall da army guys need fo no let nobody attack da town, to inside da town.

2 Kings 22:14

Hilkiah, da pries guy, Ahikam, Akor, Shafan, an Asaiah go fo talk to one wahine, Huldah, dat talk fo God. (Her husban, Shallum, Tikvah boy. His granfaddah, da Harhas dat befo time take kea da palace clotheses. She live inside Jerusalem, in da districk numba two.)

2 Records 3:1

Den Solomon start fo build da Temple Fo Da One In Charge inside Jerusalem on top Mount Moriah. Dass da same place wea Da One In Charge wen let Solomon faddah David see um befo time. Az was da same open place wea Araunah da Jebus guy split da wheat from da junk kine stuff, da place wea David wen make ready fo build da temple ova dea.

2 Records 32:22

Dass how Da One In Charge get Hezekiah an da Jerusalem peopo outa trouble from Sennakerib da Assyria king, an from all da oddas. Da One In Charge take kea dem all ova da land.

2 Records 33:14

Afta dat, Manasseh guys build da outside wall aroun da David Town part a Jerusalem one mo time. Dat part a da wall go from da west side a da Gihon puka fo watta inside Kidron Valley, fo go da Fish Gate. He put da wall all aroun da Ofel hill, an make um real high dea. He put army officer guys inside all da odda Judah towns dat get strong wall too.

2 Records 34:22

Hilkiah an da guys dat da king sen wit him, go talk to da wahine Huldah dat talk fo Da One In Charge. She Shallum wife, his faddah Tokat an his granfaddah Hasrah, da guy dat take kea da pries guys spesho clotheses. She live inside Jerusalem, inside da New Districk.

Nehemiah 12:39

above da Efraim Gate an da Ol Gate, an da Fish Gate an da Hananel Towa an da Towa Fo Da Hundred, to da Sheep Gate, an den we stop by da Gate Fo Da Temple Guard.

Nehemiah 3:3

Hassenaah boy an his ohana build da Fish Gate. Firs dey put da beams ova da top, den da big doors, da beams fo lock da doors, an da strong bars fo nobody broke da doors.

Isaiah 59:11

All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Jeremiah 39:2

Laytas, da year numba eleven, da month numba four, da day numba nine, wen Zedekiah stay king, da Babylon army guys broke down da wall fo Jerusalem town.

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Ezekiel 6:13

An dey goin know az me, Da One In Charge, dat stay do all dis. Dey goin know dis, cuz goin get all da mahke bodies on top da groun nex to da idol kine gods dat stay aroun all dea altars on top all da high hills, an all da mountains, an undaneat ery healthy kine tree, an all da oak trees wit plenny leaf, ery place wea dey burn up da sacrifices fo make nice smell fo make all dea idol kine gods feel good.

Amos 8:3

Da One In Charge a me, he tell dis too: “Wen dat time come, da peopo dat sing inside da Temple no can sing, cuz dey sore inside an stay cry loud. Goin get choke plenny mahke bodies! All ova da place! Take um outside da town! An no talk! Dass wat me Da One In Charge tell.”

Zefaniah 1:15

Dat time goin be one day Wen me Da One In Charge goin come real huhu. One day wen peopo goin come bum out an get stress. One day wen peopo goin get plenny trouble an come wipe out. One day wen goin come dark, jalike da dark stay thick. One day wen goin get plenny clouds an black sky.

Zefaniah 1:7

“Shhh! No talk notting in front da Boss, Da One In Charge! Cuz pretty soon, da time goin come Wen Da One In Charge goin judge an punish erybody! Cuz Da One In Charge make ready fo kill da Judah an Jerusalem peopo, Jalike dey one sacrifice! Da One In Charge tell da nations Dat stay agains Judah fo come fo kill dem.