Titus 3:4 - Hawaii Pidgin Bible

⁴ But den, God wen come show us guys how plenny love an aloha he get fo us, an make good to us. He da One dat get us guys outa da bad kine stuff we stay do.

Titus 3:4 ပူးပေါင်းရင်းမြစ်များ

Luke 1:47

I feel real good inside Cuz God take good kea a me.

Rome 2:4

God get plenny good heart fo you, an he stay hang in dea an wait fo you. An den, you make jalike dass notting? You no tink he like you come sorry an no do da bad kine stuff no moa, o wat?!

1 Timoty 1:1

Aloha, Timoty! Dis letta from me, Paul. God wen tell me fo go all ova fo tell peopo da Good Stuff Bout Jesus Christ. God, he take us outa da bad kine stuff we do. Jesus, da Spesho Guy God Wen Sen, all us guys stay wait fo see him an come jalike him.

1 Timoty 2:3

Dat stay good, an dass wat God like. He da One dat take us outa da bad kine stuff.

1 Timoty 4:10

Us guys go fo broke an work real hard fo make all dis tings happen. Cuz we trus da God dat stay alive foeva. He can take erybody outa da bad kine stuff dey stay do, an dass wat he do fo da peopo dat trus him.

2 Timoty 1:10

But now God stay show us guys his plan, An how he like do good tings fo us guys. We wen find out all dat Cuz Jesus Christ show up hea an us guys wen see him. He da One dat take us outa da bad kine stuff us guys do. Cuz a Christ, us guys no goin mahke no moa! Christ wen tell us da Good Stuff Dat tell he goin make oua body come diffren kine Dat no goin mahke o come rotten, But goin stay alive fo real kine foeva!

Titus 1:3

An den, da right time, he sen some guys all ova fo talk to da peopo, fo show dem eryting he like tell. An he sen me too. God wen trus me fo talk to da peopo lidat. God, he da One dat take us outa da bad kine stuff.

Hebrews 9:26

But you know, if Christ gotta do um ova an ova, den he gotta suffa ova an ova, from da time God wen make da world. But no was lidat. Now, da end a da world time stay coming, an he wen come ony dat one time, fo be da sacrifice an throw out all da bad kine stuff foeva.

1 Peter 2:3

Cuz now you guys find out dat Da One In Charge get one good heart.