Titus 2:5 - Hawaii Pidgin Bible

⁵ an how fo take charge how dey ack, an how fo be pono inside. An dey can show da younga wahines how fo take kea dea ohana, an how fo be good kine peopo, an how fo show respeck fo dea husban an let him be da leada. So den, if dey do dis, nobody goin talk bad bout da tings dat God tell.

Titus 2:5 ပူးပေါင်းရင်းမြစ်များ

Start 18:9

Da guys aks Abraham, “Wea yoa wife Sarah stay?” Abraham tell, “Ova dea, inside da tent.”

Start 3:16

Den God tell da wahine dis: “You! Wen you born kids, I goin make um so you hurt plenny wen you born um. Goin come real sore fo born kids! Still yet, you goin like stay wit yoa husban, An him, he goin be in charge a you.”

2 Samuel 12:14

But cuz you wen make lidat, you wen ack jalike you tink Da One In Charge no good! So da boy dat goin born goin mahke fo shua.”

Songs 74:10

God, how long mo dey goin Make us come shame, Da guys dat stay fight wit us?! Da guys dat come agains us, Dey goin talk bad bout you Fo give you one bad rep, o wat?!

Smart Guys 7:11

She da kine wahine dat get big mout an no like lissen nobody. She no like stay home.

Jesus Guys 9:36

Had one wahine Tabita inside Joppa town dat trus Jesus. (Dorcas her name in da Greek language. Dat mean “one deer.”) All da time she do good tings an help da pooa peopo.

Jesus Guys 9:39

Peter go wit dem, an wen he come ova dea, dey take him upstairs to da room. All da widows stay stan aroun him. Dey stay cry an show him da shirts an da coats Dorcas make wen she stay wit dem.

Rome 14:16

No good if you do someting dat you tink stay okay, but same time peopo talk bad bout wat you stay do.

Rome 2:24

Jalike Isaiah wen tell befo time, “Da peopos dass not Jew guys talk stink bout God an give God one bad rep cuz a you guys.”

1 Corint 11:3

But no foget da ting you guys awready know: Da Spesho Guy God Wen Sen, Christ, he stay in charge. He stay in charge a ery man, jalike da head stay in charge a da body. Same ting fo da wahine, da husban stay in charge a her, jalike he da head a her. An same ting wit God, he stay in charge a Christ, jalike he da head fo Christ.

1 Corint 14:34

Da wahines suppose to stay quiet wen erybody come togedda fo church. Dey not suppose to talk. Dey suppose to show respeck fo da leada guy. Da Rules From God tell da same ting, aah?

Efesus 5:33

Az why, ery husban gotta show love an aloha fo his wife, jalike dey all get love fo Christ, an ery wife gotta show respeck fo her husban.

Colosse 3:18

Wifes, lissen yoa husban cuz dass how God like his peopo live.

1 Timoty 5:10

An make shua erybody tell she wen do good kine tings, an take kea her kids. Find out if she wen let peopo she donno from far away come her house fo stay short time, an if she wen wash da dirt off da feet fo da peopo dat stay spesho fo God. Make shua she wen help da peopo dat get hard time, an wen go all out fo do all kine good tings. Den can put her on da lis.

1 Timoty 6:1

Erybody dat stay one slave awready, dey suppose to tink lidis: gotta get plenny respeck fo dea boss. Den nobody can talk bad bout God an wat us guys teach.

Titus 2:4

Den da older wahines can teach da younga wahines how fo show love an aloha fo dea husban an dea kids,