Teacha 9:6 - Hawaii Pidgin Bible

⁶ No matta dey love, o hate, O come jealous, all dat stuff pau wen dey mahke. Dey no goin conneck wit notting dat stay happen unda da sun.

Teacha 9:6 ပူးပေါင်းရင်းမြစ်များ

Outa Egypt 1:8

Long time afta, had one new king dat take ova da Egypt peopo. Dat king, he neva know notting bout Joseph an wat he wen do.

Smart Guys 10:28

Da peopo dat stay do da right ting, Dey shua good stuff goin happen, Fo dem stay good inside. All da stuff da bad peopo like happen, Bumbye dey figga out, no goin happen.

Teacha 2:10

I neva hold back fo get someting I like get. I neva hold back fo get good fun. I stay good inside from all da work I do! Dass da pay I get fo all my work!

Teacha 3:22

“Az why no mo notting mo betta, den fo peopo do dea work an stay good inside, cuz az why dey stay hea. No mo nobody can make dem see wat goin happen to dem bumbye!”

Teacha 6:12

So who know wass good fo peopo do all da time dey stay alive? Dey ony get short time fo live, jalike one shadow dat no stay long time, an dat no make sense. An who can tell dem wat goin happen unda da sun afta dey mahke?

Teacha 9:1

So I tink bout all dis. From dat, fo shua God da One stay in charge a da peopo dat do da right kine stuff an know wat fo do erytime. But nobody know if peopo goin love um o hate um.

Isaiah 38:11

I tell, “In dis land, wit da peopo dat stay alive, I no goin see Da One In Charge no moa. I no goin see peopo no moa, O stay wit da ones dat live Inside dis world.

Matthew 2:20

“Eh Joseph! Wake up! Take yoa boy an his muddah, an go Israel side. Da guys dat like kill da boy, stay mahke awready.”