Teacha 9:3 - Hawaii Pidgin Bible

³ Dis wat stay bad fo erybody unda da sun: Same ting happen fo erybody! Inside, peopo get fill up wit bad kine stuff, an dey ack stupid all da time dey alive. An afta dat, dey all mahke.

Teacha 9:3 ပူးပေါင်းရင်းမြစ်များ

Start 6:5

Da One In Charge wen see how da peopo stay do mo an mo plenny bad kine stuff, all ova da world. All da time dey ony tink how fo do bad kine stuff.

Start 8:21

Da One In Charge, he smell da nice smell from da sacrifice an he stay good inside. He tell, “Dis da las time I goin make one bad ting happen to da groun cuz a da peopo. Cuz from small kid time, weneva da peopo make one plan, dey ony like do bad kine stuff. But I no goin wipe out eryting dat stay alive one mo time, da way I wen do um dis time.

Job 15:16

Even mo den dat, peopo no stay clean inside. Dey do real pilau kine stuff. Dey like do bad kine stuff jalike dey like drink watta.

Job 21:26

Still yet, dose two kine guys lay nex to each odda inside da dirt, An get worms all ova dem.

Job 9:22

Eryting stay da same! Az why I tell, ‘God, he wipe out da peopo dat no mo blame, Same ting jalike he wipe out da guys dat do wass wrong.’

Songs 51:5

Fo shua, from da time I born, I stay do da wrong kine stuff, Even from da time my muddah Was hapai wit me, Dass how I stay.

Songs 64:7

But God, he goin shoot dem Befo dey know wassup! His arrows goin hurt um plenny.

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Teacha 1:17

Den, I make up my mind fo undastan wat “fo know wat fo do erytime” mean, wat “fo ack pupule” mean, an wat “fo ack stupid kine” mean. But wen I find out wat all dat stuff mean, jalike I stay try fo catch da wind too.

Teacha 12:7

O oua body go back inside da dirt wea we come from, An oua spirit go back by God dat give um to us.

Teacha 2:14

Da guy dat know wat fo do erytime Get eyes dat see stuff. But da stupid guy, jalike he walk in da dark. But I tink dis too: Dat da two a dem goin come out same same!

Teacha 7:2

Mo betta go visit one house wea da peopo make one funeral, Den visit one house wea dey make one party, Cuz erybody goin mahke bumbye. Good, da peopo dat stay alive tink serious kine bout dis.

Teacha 7:25

So den I change my mind an try fo study stuff. I like learn mo, an find out wat fo do erytime, an figga out how come eryting happen. An I like know how come az stupid fo do bad kine stuff, An how come da stupid guys come pupule.

Teacha 8:11

Wen one guy do someting bad, an peopo no punish um right den an dea, da peopo goin figga dey can do all kine bad kine stuff too.

Teacha 9:11

I wen see anodda ting unda da sun too: Da mos fas guys no goin win da race erytime, An da mos strong guys no goin win da fight erytime. Da guys dat know wat fo do erytime, dey no mo food erytime, Da smart guys not rich erytime. Nobody show respeck erytime fo da guys dat know plenny. But dey all gotta chance um wen da right time come.

Teacha 9:2

Same ting goin happen to erybody—da peopo dat do wass right, an da peopo dat do wass wrong, da good guys an da bad guys, da ones dat can go in front Da One In Charge an da ones dat no can, da peopo dat make sacrifice, an da peopo dat no make sacrifice. Wateva happen fo da guy dat do good kine stuff, Same ting happen fo da guy dat do bad kine stuff. Wateva happen fo da guy dat make one strong promise, Same ting fo da guy dat stay sked fo make um.

Teacha 9:4

But anybody dat still yet stay alive still can trus God an wait. Even one dog dass alive stay mo betta den one mahke lion.

Jeremiah 16:12

But you guys, you do even mo worse kine stuff den yoa ancesta guys. Look how all you guys stay hard head an do da bad kine tings you make one plan fo do, an you guys no lissen me.’

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Luke 15:17

“Den he wise up an figga, ‘Eh, how come?! All da guys dat work fo my faddah fo pay, dey get mo plenny food den dey can eat. Me, I real hungry ova hea, an litto mo mahke!

Luke 6:11

But da Pharisee guys come real huhu, an start fo make one plan togedda wat dey like do to Jesus.

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.

Jesus Guys 26:11

Plenny times I go from one Jew church to anodda fo punish um, an I try fo make um talk bad agains God. I come plenny huhu wit dem, an I even go da towns far away fo make um suffa.

Jesus Guys 26:24

Befo Paul pau talk Festus yell, an tell, “Paul, you pupule! All da stuff you learn make you pupule!”

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.