Teacha 9:12 - Hawaii Pidgin Bible

¹² Nobody know wen dey goin mahke. Az jalike wen peopo trap fish in one net, O snag birds inside one trap. Hard times catch peopo, Wen dey figga notting bad goin happen!

Teacha 9:12 ပူးပေါင်းရင်းမြစ်များ

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Smart Guys 24:22

Cuz real fas, Da One In Charge an da king Goin wipe out dat kine guys, An nobody know how plenny dey goin suffa.

Smart Guys 29:6

Wen da bad kine peopo go agains God, Wat dey do, goin catch dem jalike one trap. But da peopo dat stay do wass right, Dey no need worry. Dey can dance an sing cuz dey feel good inside.

Smart Guys 6:15

Dass why dey all goin come wipe out one time, An dey all goin come bus up one time, Den dey no can come good bumbye.

Teacha 3:19

Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!

Teacha 8:11

Wen one guy do someting bad, an peopo no punish um right den an dea, da peopo goin figga dey can do all kine bad kine stuff too.

Teacha 8:8

No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Teacha 9:13

An I see dis too unda da sun. I wen spock how one guy ack dat know wat fo do erytime. Da stuff I wen see was good:

Isaiah 24:18

Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Isaiah 30:13

An cuz you make lidat, Dis how goin be wen I punish you guys. Jalike wen get one high wall wit one small crack, An da crack come mo big, An da wall by da crack push out, An bang! da whole ting fall down.

Ezekiel 32:3

“Dis wat me Da One In Charge, da Boss, tell: “ ‘I goin bring togedda plenny diffren peopos Fo throw my net ova you. Den dey goin pull you up inside my net.

Hosea 7:12

Wen dey stay fly, I goin throw my net on top dem. I goin pull dem down jalike fo catch birds in da air. Wen I hear dey stay come togedda, I goin punish dem fo all da bad kine stuff dey wen do!

Hosea 9:8

Da guys dat talk fo my God, Dey da guys dat guard you Efraim peopo. But all ova da place, get traps dat stay ready Fo catch da guys dat talk fo God. Get peopo dat hate dem even inside da Temple Fo God.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Luke 12:39

Lissen! If da guy inside da house know wat time da steala guy goin come, he no goin let um bus up da house. But if he donno, wat goin happen?

2 Corint 6:2

God tell dis inside da Bible, “I wen hear you at da right time. I wen kokua you, da time I like get you outa da bad kine stuff.” Eh, lissen! Now da right time fo God get you outa da bad kine stuff you stay in!

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

2 Timoty 2:26

Den dey goin come smart an get outa da trap dey stay in, cuz da Devil wen catch um an make um do wat he like fo dem do.

1 Peter 2:12

Make shua you guys do da right tings in front da peopo dat donno God, so dat no matta dey poin finga you guys now, dey goin ony see da good kine stuff you guys do. Den wen Christ come back, dey goin tell how awesome God stay.

2 Peter 2:12

But dose teacha guys, dey like talk bad bout da kine stuff dey no undastan. Dey jalike da animals dat no can tink. Dey ony good fo somebody grab um an wipe um out. Dey goin come wipe out fo shua.