Teacha 9:10 - Hawaii Pidgin Bible

¹⁰ Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Teacha 9:10 ပူးပေါင်းရင်းမြစ်များ

Start 37:35

All Jacob odda kids, guys an wahines, go by him fo try help um come good inside. But he no like lissen dem. He tell, “No way. Bumbye wen I go down da Mahke Peopo Place, I still goin stay cry fo my boy.” An he stay sad inside lidat, long time.

1 Records 22:19

Now, all you guys, go all out fo know yoa God real good, Da One In Charge. Go all out fo tink bout him. Den start fo build one place dat stay spesho fo yoa God, Da One In Charge. You goin bring da Box Fo No Foget Da Deal Wit Da One In Charge dea, an bring da odda tings dat stay spesho fo God inside da temple dat you goin build. You goin do all dat fo erybody know wat kine god Da One In Charge.”

1 Records 28:20

David tell his boy Solomon dis too: “Come strong. Go fo broke, an do um. No sked, an no lose fight. Cuz God, Da One In Charge, az my God. He goin help you erytime, an he no goin bag from you. He goin stay wit you all da time till all da work fo his Temple pau.

Nehemiah 2:12

Den nite time I get up, me an some odda guys wit me. I no tell nobody wat God tell me fo do fo Jerusalem. Da ony animal I take was da one I stay ride on.

Nehemiah 4:2

In front his frenz an in front da Samaria army guys, Sanballat tell, “Wat dese Jew guys stay doing?! Dey tink dey can build dat wall one mo time, o wat?! Dey tink dey can make sacrifice ova dea?! Dey tink dey can pau do da work in one day?! Dey tink dey can find da big cut stones inside da dirt piles an make um fo dem come good one mo time?! Cuz dey stay all burn up. No way dey can!”

Nehemiah 4:6

Us guys wen build da wall till da whole wall stay join togedda awready an no mo puka, an get ony half way mo fo build. Dat happen cuz da peopo go all out fo work.

Job 10:21

Befo I go da place wea I no can come back— Da dark place wea get ony shadows.

Job 10:22

Da place dat stay mo dark den da nite. Black shadows, an eryting stay kapakahi. Even da light stay real dark ova dea!’ ”

Job 21:13

All da time da bad guys live, eryting go good fo dem. Den dey go quick to da Mahke Peopo Place.

Songs 6:5

You know, da mahke peopo no can tink bout you no moa. Inside da Mahke Peopo Place, no mo nobody tell good tings bout you.

Smart Guys 3:28

No tell yoa fren, ‘Eh, come back tomorra, bumbye I give you,’ But you get da ting right dea awready.

Teacha 11:3

Wen da clouds get plenny watta, Fo shua dey pour rain on top da earth. An no matta one tree fall down south side o north side, Fo shua goin stay da place wea wen fall down.

Teacha 11:6

Plant yoa seeds morning time. Evening time, no stop work. Cuz you donno if da morning stuff goin come good, O da evening stuff, O if da two goin come good.

Isaiah 38:10

Me, dis how I wen figga: “Dis da bestes time a my life, An now I gotta go inside da gate Fo da Mahke Peopo Place, o wat?! Az fo real, o wat, dat God set me up Fo take away da life I get fo live ova hea?!”

Jeremiah 29:13

You guys try serious kine fo find me, you goin find me. Dat goin happen wen you go all out fo look fo me!

Census 13:30

Den Caleb tell da odda guys fo shut up awready in front Moses, an he tell dem, “Mo betta us guys go up dea an take ova da land, cuz we can do um fo shua!”

Matthew 20:7

“Dey tell, ‘Cuz nobody give us job.’ An he tell um, ‘Den you guys go work inside my grape farm too.’

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

John 4:34

Jesus tell, “I do wat God like, an I do all his work. Dass jalike food fo me.

John 5:4

Cuz you know, sometimes one angel guy from Da One In Charge go down inside da watta an make um move. Afta dat, da firs guy dat go inside da watta, he come good from wateva kine sick he get.]

John 9:4

God sen me hea cuz us guys gotta do da kine work he tell us fo do now wen still get da light. Bumbye nite time come, an den nobody can work.

Rome 12:11

Wen time fo work hard, no be lazy. Make shua you go all out wen you work fo Da One In Charge.

1 Corint 15:10

But God, he unreals good to me! He wen make me come how I stay now. An he neva wase time wen he wen do real plenny good stuff fo me. Afta he wen do um, den I wen work mo hard den all da odda guys. But no was me—was God, you know, dat wen do all da good tings fo me, an he stay work inside me still yet.

1 Corint 16:10

Timoty, wen he go dea by you guys, take kea him so he no need worry bout notting. He one worka guy fo Da One In Charge, jalike me.

1 Corint 9:24

You guys know wat happen wen plenny runnas run in one race, aah? Erybody run, but ony one guy win da firs place medal. So den go fo broke, fo God!

1 Corint 9:26

Me, I like run an go strait fo pau run da race! Jalike wen I stay boxing, I no punch da air!

Efesus 5:16

Erytime you guys get chance fo do good kine stuff, do um. Cuz nowdays, any kine bad kine stuff stay happen.

Colosse 3:23

Eryting you guys do, go all out fo do um fo Da One In Charge! No do um jus fo odda peopo.

1 Samuel 10:7

Wen all dese tings happen, dat goin show I tell you da trut. So do wateva you figga az good fo do! Cuz God goin stay wit you.