Teacha 8:10 - Hawaii Pidgin Bible

¹⁰ I see peopo bury bad kine guys but dey show respeck fo dem wen da guys mahke. Az was bad guys dat wen come an go from da place dat stay spesho fo God. An da peopo talk good bout da bad guys inside da big town wea dey wen do bad stuff. All dat no make sense too.

Teacha 8:10 ပူးပေါင်းရင်းမြစ်များ

Job 21:18

You tink dey stay jalike da junk kine stuff from da wheat Dat blow away? Not!

Songs 31:12

Peopo ack jalike I no stay, Jalike I mahke awready, Jalike I was one plate Dat stay all smash up.

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Teacha 1:11

Nobody rememba da peopo dat live long time befo time. An same ting fo da peopo dat goin come bumbye: Da peopo dat goin come afta dem, goin foget dem too.”

Teacha 2:16

No mo nobody goin rememba da guy dat know wat fo do erytime, An same ting fo da stupid guy. Bumbye, erybody goin foget da two a dem. Jalike da stupid guy an da guy dat know wat fo do erytime goin mahke too!

Teacha 9:15

Inside dat town, had one guy dat no mo notting, but he know wat fo do erytime. Az how he get da town outa trouble cuz he know wat fo do. But no mo nobody rememba dat guy dat no mo notting.

Teacha 9:5

Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Jeremiah 17:13

You Da One In Charge, da One us Israel peopo wait fo! Erybody dat bag from you goin come shame. Da peopo dat no go yoa way, Ony get one place wea somebody goin write dea name: Az on top da dirt. Cuz dey wen bag from you, Da One In Charge. No matta you jalike one watta spring fo dem Wea da watta come out all da time an make peopo come alive.

Luke 16:22

“Bumbye da begga guy mahke an da angel guys carry him to da mos importan place nex to Abraham. An da rich guy mahke too, an dey bury him.

Jesus Guys 6:13

Den dey bring odda guys fo bulai bout him an tell, “Dis guy still yet no like pau talk bad bout da Temple dat stay spesho fo God, an bout da Rules From God.

Hebrews 10:38

My guys, da ones dat get um right wit me, Dem guys goin live fo real kine cuz dey stay trus me. But if dey come sked an lose fight, I no goin stay good inside bout dem.”