Teacha 8:1 - Hawaii Pidgin Bible

¹ So, wat you tink?! Get guys dat know fo real kine wat fo do erytime?! You figga get guys dat know wat tings mean, o wat?! One guy dat know wat fo do erytime, his face goin show dat, Cuz no goin look jalike he huhu.

Teacha 8:1 ပူးပေါင်းရင်းမြစ်များ

Start 40:8

Dey tell um, “Nite time, us two guys wen dream someting. But no mo nobody hea fo tell us wat da dream mean!” Joseph tell um, “You know, my God, he da ony one dat know wat da dream mean! So, tell me wat you guys wen see.”

Job 33:23

“Maybe da sick guy get one angel messenja guy by him, One helpa guy dat talk fo him. God get tousans a messenja guys Fo tell peopo wass right fo dem do, you know.

Outa Egypt 34:35

da Israel peopo see how Moses face stay shine. Afta he talk to dem, he put da cloth ova his face one mo time, till da nex time he go inside da Tent Fo Meet Wit Da One In Charge.

Smart Guys 1:6

Whoeva make lidat cuz dey read dis book, Dey goin undastan da importan kine tings An even da stuff dat da smart guys make hard fo figga out. Az da kine stuff fo make you tink plenny.

Smart Guys 12:8

Wen erybody know dat somebody can tink strait an akamai, Da peopo goin talk good kine bout um. But wen peopo head all hamajang, Da peopo no mo respeck fo dem.

Smart Guys 17:24

Da kine guy dat undastan stuff Tink all da time bout How he can know wat fo do erytime. But da stupid buggah Dat tink he no need learn notting, He tink ony bout how fo get stuff dat he no need.

Smart Guys 21:29

Bad guys ack jalike notting bodda dem, But da guys dat do wass right, Dey tink bout wea dey stay go.

Smart Guys 24:5

Da guy dat know wat fo do erytime, He strong. Da guy dat know plenny stuff, He come mo strong.

Daniel 2:22

He show um secret kine stuff Dass hard fo undastan. He know wat stay inside da dark places, Cuz he da One da light come from.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Matthew 17:2

Den, da same time dey stay look at him, Jesus start fo look diffren in front dem. His face shine jalike da sun, an his clotheses come shiny kine jalike one bright light.

Jesus Guys 4:13

Da leadas see dat Peter an John talk wit powa an dey not sked. An da leadas know dat Peter an John jus regula guys dat neva go school fo learn, an dat blow dea mind. An dey know dat dese guys, dey wen hang out wit Jesus.

Jesus Guys 4:29

Now, You Da One In Charge. Lissen wat dey tell agains us, an give us da kine powa fo no come sked wen we talk.

Jesus Guys 6:15

All da guys dat stay sit dea an da main leada guys look at Stephen real good, an dey see dat his face stay look jalike one angel guy face.

Rome 13:5

Dass why you guys gotta lissen da govmen guys. Not jus cuz you know awready dat dey can punish you. But you lissen cuz you know inside, you suppose to lissen dem cuz az da right ting fo do.

Efesus 6:19

Pray fo me too, fo wen I tell da Good Kine Stuff From God, I tell um da right way an I no come sked. You know, nobody undastan dat stuff befo time cuz was one secret.

Rules Secon Time 28:50

You guys goin come sked wen you see dem cuz dey look real skery. Dey no mo respeck fo da ol peopo, an dey no goin be nice to da young guys.

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.

2 Peter 1:20

Dis da main ting I like fo you guys know: Eryting da guys dat wen talk fo God wen write inside da Bible, dey neva make um up!