Teacha 7:9 - Hawaii Pidgin Bible

⁹ No come huhu fas, aah?! Cuz dass how da stupid guys stay inside.

Teacha 7:9 ပူးပေါင်းရင်းမြစ်များ

Start 4:8

Laytas, Cain tell his braddah Abel, “Eh! We go country side!” Wen dey ova dea, Cain murda his braddah Abel.

2 Samuel 13:22

Absalom neva tell notting to Amnon, good o bad. But he hate Amnon cuz he wen make dea sistah Tamar come shame.

2 Samuel 13:28

At da party, Absalom tell his guys, “Watch Amnon! Wen he get piloot from da wine, I goin tell you guys wack um! Kill um! No sked! I da one wen tell you guys fo do dis. Come strong, jalike you army guys!”

2 Samuel 13:32

But Jonadab, David braddah Shammah boy, he tell, “Eh boss! No tink dat all yoa boys stay mahke! Ony Amnon stay mahke. Dis wat Absalom make up his mind fo do, from da time dat Amnon wen rape his sistah Tamar.

2 Samuel 19:43

Den da Israel guys tell da Judah guys, “Us guys get ten ohanas in dis country, so we get ten times mo rights to da king den you guys get wit da one ohana. Az why David mo da king fo us den fo you guys. So, how come you make to us jalike us nobody? Fo shua, us guys was da firs one fo tell dat we gotta bring David back fo be oua king.” So dey stay make mo argue lidat. But da Judah guys wen talk even mo tough den da Israel guys.

Smart Guys 14:17

Da hot head kine peopo, Dey do stupid stuff. An da peopo dat make sly kine plan, Erybody hate dem.

Smart Guys 14:29

Da guy dat stay long time so notting bodda him, He undastan plenny. Da guy dat come huhu real fas, Erybody know him stupid.

Smart Guys 16:32

If you can stay so notting bodda you, Az mo betta den be one guy dat can fight good. If you can come so notting bodda you wen you stay mad, Az mo betta den take ova one big town.

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Teacha 7:10

No go tell, “How come eryting wen stay mo betta befo time den now?” If you tell dat, ony show you donno wat fo do erytime.

Jonah 4:3

You, you Da One In Charge! Kill me now, cuz mo betta I mahke den stay alive!”

Jonah 4:8

Den, da sun come hot. God make one hot wind come from da east side. Da sun shine real strong on top Jonah head, an he litto mo pass out. Jonah tell God, “How come you no jus let me mahke?! Mo betta fo me mahke den stay alive!”

Jonah 4:9

God tell Jonah, “So! You tink dass good you stay huhu cuz da plant gone awready?!” Jonah tell um, “Yeah! Az good dat I stay real huhu an like mahke!”

James 1:19

Eh, my good frenz! No foget dis: You guys know dis stuff awready. Weneva you hear somebody talk, erybody gotta lissen real good firs befo dey talk. Az how dey no get all huhu real fas.