Teacha 7:5 - Hawaii Pidgin Bible

⁵ Mo betta lissen wen somebody dat know wat fo do erytime scold you. Den lissen wen da stupid guys sing.

Teacha 7:5 ပူးပေါင်းရင်းမြစ်များ

Songs 141:5

If da peopo dat stay do wass right Slap my head, Dat show dey my frenz Dat stay tight wit me! If dey tell wat I do stay wrong, Dass good, jalike dey put Da bestes kine haku lei On top my head! All da time I stay pray Dat da bad guys no can do notting.

Songs 69:12

Da guys dat hang out by da town gate, Dey talk any kine bout me. Da piloot guys Even make songs bout me.

Smart Guys 13:13

Da peopo dat no kea an no lissen, Dey goin come wipe out cuz dey make lidat. Da peopo dat try fo make shua dey do wat dey suppose to, Eryting goin come good, Dass how God goin pay dem.

Smart Guys 13:18

Da kine peopo dat no lissen Even wen dey tell um fo learn wass right, Dey goin come shame, Cuz dey no mo notting. But da kine peopo dat lissen good Wen you tell dem dat dey wen jam up, Bumbye, dey goin get plenny respeck.

Smart Guys 17:10

Wen one guy dat undastan stuff Do someting dat he not suppose to do, You ony gotta tell him one time, An he stop. But fo da kine guy dat tink he know eryting, Wen he donno, You can whip him hundred time, An he still no stop.

Smart Guys 25:12

Wen one guy dat know wat fo do erytime Tell you dat someting you wen do, no good, An you ready fo lissen, Az real good, Jalike one gold earring O one necklace wit da bestes kine gold.

Smart Guys 27:6

Wen yoa good frenz tell you, You wen do someting wrong, You feel jalike dey make you bleed, But still yet, you can trus dem. Wen somebody dat hate you kiss you plenny time Az cuz dey stay bulai you.

Smart Guys 6:23

Cuz da ting I tell you fo do, An da rules yoa muddah teach you, Dass jalike one small lamp, O one light Dat show you da way fo live fo real kine, An show you wat you wen do wrong, Fo you go back to da right way fo live.

Smart Guys 9:8

No try tell one big head guy Dat ony talk bad bout erybody, Dat he not suppose to do someting. Cuz if you tell um dat, Da guy goin hate you. But if you go tell one guy dat erytime know wat fo do Dat he not suppose to do someting, Dat guy goin get love an aloha fo you.

Teacha 12:11

Wat da guys tell dat know wat fo do erytime, az jalike da sharp poles fo poke da cows fo make um go da right way. Eryting dey tell, az jalike da kine nails dat stay solid wea dea owna poun um. Eryting dey tell come from God, da one good sheep guy.

Teacha 7:4

Da peopo dat know wat fo do erytime like go da place wea peopo stay sad inside. But da stupid guys like go da place wea peopo ony like get good fun.

Teacha 9:17

Mo betta lissen wat da guys tell dat know wat fo do erytime, No matta dey no talk loud, Den lissen one leada fo da stupid guys, dat yell.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.