Teacha 7:24 - Hawaii Pidgin Bible

²⁴ Wateva dat mean fo know wat fo do erytime, Stay far away, an hard fo undastan. No mo nobody can find out wat dat mean!

Teacha 7:24 ပူးပေါင်းရင်းမြစ်များ

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Job 37:23

Da God Dat Get All Da Powa, us no can reach him. He real strong, an he judge da right way erytime. But he no put heavy presha on us guys.

Songs 139:6

Da way you know me, Blow my mind! You know me mo betta Den I know me!

Songs 36:6

How you do da right ting erytime— Dass awesome, Jalike da mos big mountains! Da way you tell Wass right an wass wrong Cuz you da judge, Dass deep, Jalike da mos deep ocean! Eh! You Da One In Charge! You stay get peopo an animals Outa trouble.

Teacha 8:17

Den I see eryting dat God do. No mo nobody can undastan eryting dat happen unda da sun. No matta peopo try hard fo undastan wat happen, no can. No matta one guy dat know wat fo do erytime tell dat he undastan um, he no can undastan um fo real kine.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

1 Timoty 6:16

He da ony One dat no can mahke. He real good, az why no can come nea him, Jalike one real strong light you no can look at. No mo nobody eva see him, An no mo nobody can see him fo real kine. You know, he da God erybody gotta get plenny respeck fo. He get all da powa foeva! Az it!