Teacha 7:18 - Hawaii Pidgin Bible

¹⁸ Mo betta you hang in dea an do da right ting, An no do wass wrong. Da guy dat stay sked a God, He no goin try go too far.

Teacha 7:18 ပူးပေါင်းရင်းမြစ်များ

Smart Guys 12:21

Da peopo dat stay do da right ting, Notting bad goin happen to dem. But da bad kine peopo, Dey get all kine trouble.

Smart Guys 8:20

Erytime, I stay do da right ting. No matta wea I go, I judge da right way.

Teacha 11:6

Plant yoa seeds morning time. Evening time, no stop work. Cuz you donno if da morning stuff goin come good, O da evening stuff, O if da two goin come good.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Teacha 3:14

I know fo shua eryting God do goin stay foeva. No mo nobody can add notting to um, an no mo nobody can take notting away from um. God do dis fo peopo show respeck fo him.

Teacha 5:7

Wen you dream plenny an talk plenny, all dat no make sense. Mo betta get plenny respeck fo God!

Teacha 8:12

Get bad guys dat do uku pile a bad kine tings, an still yet live long time, you know. But I know dis too: Da peopo dat stay sked a God, dey goin live mo betta den da bad kine guys cuz dey get choke respeck fo God.

Teacha 8:13

But cuz da bad kine guys no stay sked a God, no mo notting goin go good fo dem. Dey no goin live long time, jalike dey one shadow.

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Luke 1:50

He give da peopo chance Dat show respeck fo him, From da granfaddas to da grankids.

Luke 11:42

“Wassamatta you Pharisee guys?! You goin get it! You guys give God ten percent a eryting, even da mint spice an da rue spice, an all da odda kine herbs. But same time, no bodda you guys if you no do da right tings, an you guys no mo love an aloha fo God. Mo betta, make shua you get love an aloha fo God, an do da right tings, an no foget da ten percent too.