Teacha 7:15 - Hawaii Pidgin Bible

¹⁵ All dis time I live, no make sense. But I see two tings: Get guys dat stay do da right kine ting erytime an dey mahke. An get guys dat stay do bad kine stuff an dey live long time.

Teacha 7:15 ပူးပေါင်းရင်းမြစ်များ

Start 47:9

Jacob tell Pharaoh, “Hundred thirty year I stay inside dis world. Not plenny, da years I get, an dey hard. But my ancesta guys, dey wen get plenny mo year den me, wen dey stay hea inside dis world.”

1 Kings 21:13

Den da two no good guys come dea. Dey sit down right in front Nabot. Dey poin finga Nabot in front all da peopo. Dey tell, “Dis Nabot, he tell he like bad tings happen to God, an to da king!” Den dey all take Nabot outside da town. Dey all throw stone at him, an he mahke.

Songs 10:3

Cuz dem bad guys talk big Bout da bad tings dey like do. Dey talk real good Bout da ones dat take stuff away from odda peopo, Same time, dey talk pilau bout Da One In Charge, Jalike he no mean notting.

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Teacha 2:23

Ery day gotta work an suffa an stay sad inside, an even nite time my head get plenny stuff fo tink bout an no can res. Dis no make sense too.

Teacha 3:16

An I see anodda ting unda da sun. Get judge guys dat tell wat stay right an wat stay wrong, Even dea, get bad kine stuff dat happen! Get peopo dat stay do wass right, Even dea, get bad kine stuff dat happen!

Teacha 6:12

So who know wass good fo peopo do all da time dey stay alive? Dey ony get short time fo live, jalike one shadow dat no stay long time, an dat no make sense. An who can tell dem wat goin happen unda da sun afta dey mahke?

Teacha 9:9

Live good wit yoa wife dat you get love an aloha fo, all da time God give you unda da sun, no matta hard fo make sense. An bus ass unda da sun cuz az yoa kuleana unda da sun.

Isaiah 65:20

No goin get bebes dea Dat stay alive ony short time. No goin get peopo dat no live long time. Peopo dat mahke wen dey make hundred year, Odda peopo goin tink dey young. Peopo dat no live hundred year, Odda peopo goin tink somebody put kahuna on top dem.

John 16:2

Da Jew guys goin throw you outa dea churches. An even goin get one time wen whoeva kill you guys goin figga dey stay do someting good fo God.

Jesus Guys 7:52

Yoa ancesta guys erytime make da guys dat talk fo God suffa. Yoa ancesta guys even wen kill da guys dat tell dat da Spesho Guy God Wen Pick goin come, da one dat erytime do da right ting. An den, you guys set um up an kill um!